تۇرمۇشتا، چار خەمەك(苦瓜)، كەرەپشە، لىمون قاتارلىق ياكى ئاچچىق ياكى چۈچۈمەل يېمەكلىكلەرنى ئۇچرىتىمىز؛ نۇرغۇن كىشىلەر، تەمى ئاچچىق ياكى چۈچۈمەل بولغانلىقتىن بۇ يېمەكلىكلەرنى يىيىشنى ياقتۇرمايدۇ. ئەمەلىيەتتە، بۇ خىلدىكى ئاچچىق ياكى چۈچۈمەل يېمەكلىكلەرنىڭ بەلگىلىك پايدىلىق تەرەپلىرى بار.
ئىشتىھانى ياخشىلاش
   بەزى ئاچچىق تەملىك يېمەكلىكلەرنى مۇۋاپىق تۈردە ئىستېمال قىلىپ بەرگەندە، تەم سەزگۈ ئەزالىرىنى غىدىقلايدۇ؛ ئاچچىق تەم فاكتورلىرى ئۈچەي يولىغا كىرگەندىن كىيىن، ئاشقازان چاپلاشقاق سۇيۇقلۇقلىقى ئاجرىتىشنى غىدىقلاپ، ھەزىم قىلىشنى ئىلگىرى سۈرىدۇ.
مېڭىنى سەگىتىپ روھنى ئۇرغىتىدۇ
   ئادەمنىڭ روھى كەيپىياتى تۆۋەنلەپ كەتسە ئاسانلا چارچاش ھېس قىلىدۇ؛ ئاچچىق ياكى چۈچۈمەل يېمەكلىكلەرنى مۇۋاپىق تۈردە ئىستېمال قىلىپ بەرگەندە، سىزىم ئەزالىرىنى غىدىقلاشقا بولىدۇ. بۇندىن باشقا، بەزىبىر ئاچچىق يېمەكلىكلەر، مەسىلەن، قەھۋە، چاي قاتارلىقلار، مەركىزى نىرۋا سىستېمىسىنى غىدىقلاپ، روھى كەيپىياتنى جانلاندۇرىدۇ ۋە مىتابولىزىمنى ئىلگىرى سۈرۈپ، ھارغىنلىقنى تۈگىتىدۇ.

ئۈچەي يوللىرىنى ياخشىلايدۇ
   ئاچچىق ياكى چۈچۈمەل يېمەكلىكلەر، ئۈچەي يولىنىڭ ساغلاملىقىغا پايدىلىق بولۇپ، ئۈچەي يولىدىكى زىيانلىق باكتېرىيەلەرنى چەكلەپلا قالماي، يەنە پايدىلىق باكتىرىيەلەرنىڭ ئۆز ئۈنۈمىنى كۆرسىتىشىنى ئىلگىرى سۈرىدۇ ھەمدە بۇ ئارقىلىق ئۈچەي يولى باكتىرىيە توپىنىڭ تەڭپۇڭ ھالىتىنى ساقلايدۇ.
مىتابولىزىمنى تەڭشەيدۇ
   ئاچچىق يېمەكلىكلەر تەركىبىدىكى ماددىلارنىڭ، مېڭە ۋە ئاخىرقى ئۇچ نىرىپلارغا قان يەتكۈزۈشنى ياخشىلاش رولى بار بولۇپ، يۈرەكنى ساغلاملاشتۇرۇپ سۈيدۈك ھەيدەيدۇ، مىتابولىزىمنى تەڭشەپ خولىستىرىننى تەڭشەيدۇ ۋە بۇ ئارقىلىق قېرىشقا قارشى تۇرۇش رولىنى ئوينايدۇ.