ۋىتامىن B1نى تونۇش
 B   ئائىلىسىدىكى ۋىتامىنلار، ۋىتامىن B1، ۋىتامىن B2، ۋىتامىن B6، ۋىتامىن B12، نىكوتىنىك كىسلاتا، فولىن كىسلاتا، پانتونىك كىسلاتا قاتارلىقلارنى ئۆز ئىچىگە ئالىدۇ؛ Bئائىلىسىدىكى ۋىتامىنلار، ئادەم بەدىنىدە كەم بولسا بولمايدىغان قوشۇمچە ئىنىزىملار بولۇپ، ئۇزۇقلۇق مىتابولىزىمىغا، بادەن ئېنىرگىيە ۋە نىرىپ ئۇچۇر يەتكۈزۈش جەريانىغا قاتنىشىدۇ.  ۋىتامىن B1 بولسا، Bئائىلىسىدىكى ۋىتامىنلار ئىچىدىكى ئەڭ بۇرۇن بايقالغان سۇدا ئېرىشچان ۋىتامىن بولۇپ، ئادەتتە "تىئامىن" دەپمۇ ئاتىلىدۇ.

   ئادەتتىكى ئەھۋال ئاستىدا، ئادەم بەدىنى پائالىيىتىگە لازىملىق بولغان ۋىتامىنB1نى، كىشىلەر يېمەكلىكتىن، مەسىلەن ھايۋانات ئىچ ئەزالىرى، ئۇرۇق گۆش، پۇرچاق تۈرى، خاسىڭ قاتارلىقلارنى ئىستىېمال قىلىش ئارقىلىق قوبۇل قىلىشقا بولىدۇ. لېكىن بەزىبىر يېمەك-ئىچمىكى تەڭپۇڭ بولمىغان كىشىلەردە، يېنىك دەرىجىدە ۋىتامىن B1كەمچىللىك كۆرۈلۈشى مۇمكىن بولۇپ، كۆپىنچە ئاسانلا نەزەردىن ساقىت قىلىنىدۇ، بۇ ۋاقىتتا ۋىتامىن B1 تولۇقلاشقا ئېھتىياجلىق بولىمىز.

ۋىتامىن B1 كەمچىل بولسا قانداق بولىدۇ؟
   بەدەندە ۋىتامىن B1 كەمچىل بولسا، ئاسانلا نېرۋا ياللۇغى، پۇت پۇراش كېسىلى، ئىشتىھا تۇتۇلۇش، ھەزىم قىلىش ناچارلىشىش قاتارلىق ئالامەتلەر كۆرۈلىدۇ. ۋىتامىن B1، ئادەتتە ئادەمنىڭ روھى ھالىتىنى ياخشىلاشقا پايدىلىق بولۇپ، روھى كەيپىياتى ھەمىشە جىددىيلىشىش ھالىتىدە تۇرىدىغانلار كىشىلەر بەكرەك ئېھتىياجلىق بولىدۇ.

ۋىتامىن B1نى قانداق تولۇقلاش كېرەك؟
    ئەمەلىيەتتە، كۈندىلىك يېمەك-ئىچمىكىمىزگە پۇرچاق تۈرى، كۆممىقوناق، سۇلۇ قاتارلىق يىرىك ئاشلىقلارنى قوشۇپ ئىستىمال قىلساق، ئادەم بەدىنىنىڭ ۋىتامىن B1گە بولغان ئھېتىياجىنى قاندۇرۇشقا بولىدۇ. ئەگەر نورمىدىن سىرت ۋىتامىن B1 تولۇقلاشقا ئېھتىياجلىق بولساق، چوقۇم دوختۇرنىڭ كۆرسەتمىسى بويىچە ئېلىپ بېرىش كېرەك.