ئارىمىزدا كالتسىي تولۇقلايدىغان مەھسۇلاتلارنى ئىشلىتىدىغان كىشىلەر نۇرغۇن، بىراق ئۇنىڭ سۈمۈرۈلۈشىنى ئىلگىرى سۈرۈشنى بىلىدىغانلار ئاز، ئەگەر بۇنى بىلمىسە قىلغان ئەجىر بىكار كېتىدۇ، شۇڭا بۇ جەھەتتە ساقلىنىۋاتقان مۇنداق خاتا قاراشلارنى بىلمەي بولمايدۇ:  

كالا گۆشى سۆڭەككە پايدىلىق.

بۇ قاراش خاتا، چۈنكى كالا گۆشىدە كالتسىي ئىنتايىن ئاز بولۇپلا قالماستىن، يەنە فوسفور، گۈڭگۈرت ۋە خىلورىدلار بار، بۇ ئۈچ خىل ماددا قاندىكى كىسلاتالىق تەركىبنى كۆپەيتكەچكە، بەدەن، يېمەكلىك ۋە سۆڭەكتىكى كالتسىي بۇ كىسلاتالىق تەركىبنى نېيتراللاشتۇرۇشقا سەرپ بولىدۇ، بۇنىڭ بىلەن كالتسىي ئېقىش تېخىمۇ كۈچىيىدۇ.

كۆكتات بىلەن سۆڭەك ساغلاملىقىنىڭ مۇناسىۋىتى يوق. 

نۇرغۇن ئادەمى كۆكتاتتا پەقەت سېللۇلوزاسى ۋە ۋىتامىن بار، شۇڭا ئۇنىڭ سۆڭەكنىڭ ساغلاملىقى بىلەن مۇناسىۋىتى يوق، دەپ ئويلايدۇ. ئەمەلىيەتتە كۆكتاتتا كالىي بىلەن ماگنىي مول، بۇ ماددىلار بەدەننىڭ كىسلاتا - ئىشقارلىق تەڭپۇڭلۇقىنى ساقلاپ، كالتسىي ئېقىپ كېتىشىنىڭ ئالدىنى ئالىدۇ؛ بولۇپمۇ قىچا، قاتكۆك، كەرەپشە ۋە يېسسىۋېلەكنىڭ كالتسىي تولۇقلاش ئۈنۈمى ئالاھىدە ياخشى.

مېۋە ۋە سۆڭەك ساغلاملىقى

ئورۇقلاش كويىغا كىرگەن ئاياللار ئادەتتە مېۋىنى تاماقنىڭ ئورنىدا يەيدۇ، ئەمەلىيەتتە مېۋىنىڭ بەدەننىڭ كېسلاتا-ئىشقارلىق تەڭپۇڭلۇقىنى ساقلاشتا ئۈنۈمى يۇقىرى، كالتسىينىڭ مەنبەسى ئەمەس، ئاقسىلمۇ يوقنىڭ ئورنىدا. شۇڭا مېۋىنى تاماقنىڭ ئورنىدا يېسە، ئاقسىل بىلەن كالتسىي ئازىيىپ، سۆڭەك شالاڭلىشپ كېتىدۇ.