زىمىستان قىشنىڭ سوغۇق كۈنلىرىدە، قورساققا ئامراق كىشىلەرگە نىسبەتەن، پەقەت ئاشقازىنىدا يېمەكلىك بار بولۇشلا، ئاندىن سوغۇققا قارشى تۇرۇشنىڭ ئەڭ توغرا ئۇسۇلى ھېسابلىنىدۇ. بۈگۈن تونۇشتۇرماقچى بولغان ئاچچىق چۈچۈك كالا گۆشى شورپىسى، گەرچە تەننەرخى قىممەترەك بولسىمۇ، لېكىن ئەرلەرنى تېخىمۇ قۇۋۋەتلەندۈرۈپ، ئاياللارنى تېخىمۇ چىرايلىق قىلىدۇ؛ بۇ شورپىنى ئىچىپ تۇرۇپ تەرلەپ كېتىسىز، پۈتكۈل بەدىنىڭىز ئاشقازىنىڭىز بىلەن قوشۇلۇپ ئىللىپ كېتىدۇ.

خام ماتېرىيالى
   قىيىپ يالپاقلانغان كالا گۆشى(خوگودا ئىشلىتىدىغان)، يىڭنىسىمان موگو(جىڭجىڭگو)، قىزىلمۇچ قىيامى، ئاق ئاچچىقسۇ، زەنجىۋىل، سامساق، كىچىك ئۇچلۇق قىزىلمۇچ، پىششىق ئاق كۈنجۈت، تۇز، ئىستېمال مېيى

تەييارلاش ئۇسۇلى
   خام ماتېرىياللارنى تەييارلايمىز. جىڭجىڭگونىڭ يىلتىز قىسىمىنى ئېلىۋىتىپ يۇيۇپ پاكىزلايمىز؛ كىچىك ئۇچلۇق قىزىلمۇچ، كۆكمۇچ قاتارلىقلارنى يۇيۇپ يۇمىلاق چەمبەر شەكلىدە توغرايمىز؛ سامساق ۋە زەنجىۋىلنى توغراپ تەييارلايمىز.

پىشۇرۇش ئۇسۇلى
   1. ئالدى بىلەن قازاندا سۇ قاينىتىپ، كالا گۆشىنى سېلىپ بىر مىنۇت قايناتقاندىن كېيىن سۈزۈپ ئېلىپ ئىشلىتىش ئۈچۈن ئېلىپ قويىمىز.

   2. قازانغا ئازراق ماي قۇيۇپ قىزىتىپ، ئۇششاق چانالغان سامساق بىلەن زەنجىۋىلنى سالىمىز؛ كەينىدىن ئۈستىگە مۇچ قىيامى بىلەن ئاق ئاچچىقسۇ قۇيۇپ تەكشى ئارىلاشتۇرىمىز.
   3. قازانغا مۇۋاپىق مىقداردا سۇ قۇيۇپ، بەش مىنۇت قاينىتىمىز؛ بەش مىنۇت توشقاندىن كېيىن جىڭجىڭگونى سېلىپ ئىككى مىنۇت قاينىتىمىز؛ كەينىدىن كالا گۆشىنى سېلىپ يەنە بىر مىنۇت قاينىتىمىز. بۇ ۋاقىتتا، بۈگۈن تونۇشتۇرماقچى بولغان كالا گۆشى شورپىسى تەييار بولغان بولىدۇ.