قايسى خىل ئىچىملىك ئۇسسۇلۇقنى ھەممىدىن بەك باسىدۇ؟ ئاقسۇ، چاي ياكى گازلىق سۇ؟ بۇلارنىڭ ھېچقايسىسى ئەمەس! شوتلاندىيەلىك ئالىملارنىڭ تەتقىقاتىدا بايقىلىشىچە، بەدەنگە ھەممىدىن بەك سۇ تۇلۇقلايدىغان ئىچىملىك، تەركىبىدە سۈت شېكىرى، ئاقسىل ۋە ياغلار بار بولغان ئىچىملىك ئىكەن.

   ئۇسساپ قالسىڭىز، سىز ئەلۋەتتە سۇ ئىچسىڭىز بولىدۇ. لېكىن شوتلاندىيە سان ئاندىرىۋ داشۆسىنىڭ بىر تۈرلۈك تەتقىقاتىدا كۆرسىتىلىشىچە، ئاق سۇ ئۇسسۇزلۇقنى ئەڭ قاندۇرىدىغان ئىچىملىك ئەمەس ئېكەن.
 تەتقىقاتچىلارنىڭ بايقىشىچە، سۇ(ئاق سۇ ۋە سۇدا سۈيى) گەرچە بەدەنگە تىز سۈرئەتتە سۇ تولۇقلىيالىسىمۇ، ئەمما ئازراق قەنت، ياغ ياكى ئاقسىل تەركىبى بولغان ئىچىملىكلەرنىڭ سۇ تۇلۇقلاش ئۈنۈمى تېخىمۇ يۇقىرى ئىكەن. بۇ تۈرلۈك تەتقىقاتنىڭ باشلامچىسى، سان ئاندىرىۋ داشۆسى تىبابەت شۆيەنىنىڭ پىروففىسورى رونالدو.موئىننىڭ دېيىشىچە، بۇنىڭدىكى سەۋەب بىزنىڭ بەدىنىمىزنىڭ ئىچىملىككە ئىنكاس قايتۇرۇش مىخانىزىمى بىلەن مۇناسىۋەتلىك ئىكەن. بۇنىڭ ئىچىدىكى بىر ئامىل: ئىچكىنىمىز قانچىكى كۆپ بولسا، ئىچىملىكنىڭ ئاشقازاندىن چىقىرۋىتىلىشى ۋە قان سۇيۇقلۇقى تەرپىدىن سۈمۈرۈلۈش سۈرئىتى شۇنچە تىز بولىدىكەن ھەمدە بۇ سەۋەبلىك بەدەن سۇيۇقلۇقىنى سۇيۇلدۇرۇپ، بەدەنگە سۇ تەركىبى تۇلۇقلايدىكەن.
   ئىچىملىكنىڭ بەدەنگە سۇ تۇلۇقلاش ئۈنۈمىگە تەسىر كۆرسىتىدىغان يەنە بىر ئامىل، ئىچىملىكنىڭ ئۇزۇقلۇق تەركىبى بىلەن مۇناسىۋەتلىك ئىكەن. مەسىلەن، تەتقىقاتچىلارنىڭ بايقىشىچە، كالا سۈتىنىڭ سۇ تۇلۇقلاش ئۈنۈمى، ھەتتا ئاق سۇنىڭكىدىنمۇ ياخشى ئىكەن؛ چۈنكى، كالا سۈتى تەركىبىدىكى سۈت شېكىرى، ئاقسىل، ياغ قاتارلىق تەركىبلەر، سۇيۇقلۇقنىڭ ئاشقازاندىن چىقىرۋىتىلىش سۈرئىتىنى ئاستىلىتىشقا پايدىلىق بولۇپ، سۇ تۇلۇقلاش ئۈنۈم ۋاقتىنى ئۇزارتىدۇ.

   كالا سۈتى تەركىبىدە يەنە ناترىيمۇ بار؛ ناترىي ماددىسى بولسا خۇددى بۇلۇتقا ئوخشاش بەدەندىكى سۇ تەركىبلىرىنى تۇتتۇپ قالىدۇ ھەمدە سۈيدۈك شەكىللىنىش مىقدارىنى ئازلىتىدۇ. بۇندىن باشقا، ئىچى سۈرۈشنى داۋالاشقا ئىشلىتىدىغان سۇيۇقلۇق دورىلارنىڭمۇ بەدەنگە سۇ تۇلۇقلاش ئۈنۈمى بار؛ ئاز مىقداردا قەنت، ناترىي، كالىي تەركىبلىرى بولغان ئىچىملىكلەرنىڭ بولسا، بەدەندىكى سۇ تەركىبلىرىنى تۇتۇپ قېلىشقا پايدىسى بار.