تاماكا چىكىش ئۆپكىگە زىيانلىق، بۇ داۋلىنى ھەممىمىز چۈشىنىمىز، ئەمما تاماكىنى يەنىلا تاشلىيالمايمىز. تاماكا تەركىبىدىكى نىكوتىن ئادەمنى تاماكىغا خۇمار قىلىپلا قالماي، تاماكا تەركىبىدىكى كوكىس مېيى، كاربون(II) ئوكسىد قاتارلىق زەھەرلىك ماددىلارنىڭ ئادەمنىڭ ئۆپكىسىگە بولغان زىيىنىمۇ ئىنتايىن چوڭ؛ بۇ زەھەرلىك ماددىلار، ئۆپكە ياللۇغى، ئۆپكە سىل كېسىلى ۋە ئۆپكە راكى قاتارلىقلارغا گېرىپتار بولۇشنى كەلتۈرۈپ چىقىرىدۇ. شۇنىڭ ئۈچۈن، تاماكا چېكىدىغان كىشىلەرگە نىسبەتەن، ئۆپكىنى ئاسراش ئىنتايىن مۇھىم.
   تۆۋەندىكى يېمەكلىكلەر تاماكىنىڭ تەبىئىي دۈشمىنى بولۇپ، ھەركۈنى ئازراقتىن ئىستىمال قىلىپ بەرسىڭىز، ئۆپكىنى تازىلاپ ياخشىلايدۇ.

چوڭ ئاپلىسىن(柚子)
   چوڭ ئاپلىسىن، تۇرمۇشتا كۆپ ئۇچرايدىغان مىۋىلەرنىڭ بىرى بولۇپ، ئۇنىڭ مىۋە ئېتى يۇمران، تەمى ياخشى، ئۇزۇقلۇق قىممىتىمۇ يۇقىرى. چوڭ ئاپلىسىننى داۋاملىق ئىستىمال قىلىپ بەرگەندە، ئۆپكىنى قۇۋۋەتلەپ ھۆتەلنى توختاتقىلى بولىدۇ، كاناي ياللۇغى، ئۆپكە ياللۇغى، ئۆپكە سىلى قاتارلىق كېسەللىكلەرگە قارىتا ئالدىنى ئېلىش رولى بولۇپلا قالماي، زۇكامغا قارىتامۇ بەلگىلىك ئالدىنى ئېلىش ۋە ياخشىلاش ئۈنۈمى بار.

ئاق نەشپۈت(雪梨)
   ئاق نەشپۈتنىڭ ئۆپكىنى قۇۋۋەتلەپ ھۆتەل توختىتىش ئۈنۈمى بار. ئاق نەشپۈتنىڭ تەركىبىدە زور مىقداردا سۇ تەركىبى ۋە مىۋە شېكىرى بار بولۇپ، ئۇنى كۆپرەك ئىستىمال قىلغاندا، ئۆپكىدىكى ئىسسىق يەلنى ھەيدەش، ئۆپكىدىكى ئارتۇق ياغلار ۋە ئەخلەتلەرنى تازىلاش قاتارلىق ئۈنۈملەرنى كۆرسىتىپ، ئۆپكىنى تېخىمۇ ساغلام قىلىدۇ.

جۈخۇا چېيى
   جۈ خۇا گۈلىنىڭ تەبىئىتى سۇغۇق، تەمى قىرتاق بولۇپ، ئۆپكىگە تەسىر كۆرسىتىدۇ. ئۇنىڭ ئىسسىق يەلنى ھەيدەپ زەھەر تازىلاش ئۈنۈمى بار بولۇپ، تاماكىنى كۆپ چىكىدىغان، ھەمىشە گېلى قىچىشىدىغان ۋە يۇتقۇنچاق ياللۇغى بار كىشىلەرگە نىسبەتەن، كۈندە ئازراق جۈخۇا گۈلى چېيى ئىچىپ بەرسە، ئۆپكىنى قۇۋۋەتلەش بىلەن بىرگە، ئۆپكىدىكى زەھەرلەرنى تازىلايدۇ.