يېقىندىن بۇيان، ھاۋانىڭ سۇۋۇپ كەتكەنلىك سەۋەبىدىنمۇ بىلمىدىم، كەچ بولۇپ كەلسە قورسىقىم بەك ئېچىپ كىتىدىغان بولۇپ قالدى؛ كارۋاتتا ئۇياق-بۇياققا ئۆرۈلۈپ، كاللامغا ھەرخىل مەززىلىك تائاملار كىرىۋالىدۇ.

   بىركۈنى پەقەت ئۇخلىيالماي، توڭلاتقۇدا ئېشىپ قالغان يىمەكلىكلەردىن پايدىلىنىپ قورۇما قورۇپ، ئازراق چۆپ سېلىپ يىدىم. نەتىجىدە ئۇنى بىر دېمەڭ، شۇنداق تېتىپ كەتتىكى، شۇندىن باشلاپ، ئىككى-ئۈچ كۈندە بىر مۇشۇنداق چۆپ سېلىپ يىمىسەم، پەقەت ئۇخلىيالمايدىغان بولۇپ قالدىم.
   كىتەرلىك ماتىريال: تۇخۇم، چىلىغان سەي(榨菜)، موگو
   خۇرۇچ ماتىرىيالى: پۇرچاق بوتقىسى، خۇڭشاۋ جىياڭيۇ، قاقمۇچ، ئاق شېكەر، غولپىياز مايسىسى
 

 

   ئالدى بىلەن چوڭراق چىنىدىن بىرنىڭغا تۇخۇمنى چېقىپ قوچۇپ تەييارلايمىز.

   موگونى كىچىكرەك پارچە ھالىتىدە توغرايمىز، چىىغان سەينىمۇ ئۇششاق توغرايمىز.
 

قازانغا ماينى ئادەتتىكىدىن سەل ئارتۇقراق قۇيۇپ، ماي قىزىغاندىن كىيىن قوچۇپ تەييارلىغان تۇخۇمنى قازانغا قۇيۇپ، توختىماستىن ئىلەشتۈرۈپ، ئۇششاق پارچە ھالىتىدە قاتۇرىمىز.

كەينىدىن توغرالغان موگو بىلەن چىلىغان سەينى سېلىپ تەكشى ئارىلاشتۇرۇپ قورۇيمىز.
 

قازانغا ئىككى قوشۇق پۇرچاق بوتقىسى، بىر قوشۇق خۇڭشاۋ جىياڭيۇ، ئازراق شىكەر قوشىمىز؛ ئاچچىققا ئامراقلار ئىككى ئۈچ تال قاقمۇچ قوشۇۋەتسىڭىز بولىدۇ. چىلىغان سەينىڭ تۇزى بار، شۇڭا تۇز قۇيمىسىڭىزمۇ بولىدۇ، ياكى ئازراق قۇيۇش كېرەك.

ئۈستىگە بىر چىنە سۇ قۇيۇپ، بەش مىنۇت ئەراپىدا قاينىتىمىز؛ قازاندىن ئۇسۇپ ئېلىشتىن بۇرۇن، ئىككى قوشۇق سۇلۇق كىراخمال ۋە توغراپ تەييار قىلغان غولپىياز مايسىسىنى قوشۇپ، تەخسىگە ئۇسۇپ ئالساق بولىدۇ.