يېقىندا، بىر كۆرۈمەن سۆز قالدۇرۇپ، ئۆزىنىڭ يېقىندى بىرى ئۇنتۇغاق بولۇپ قالغانلىقىنى، ھەمىشە قويغان نەرسىلىرىنى ئۇنتۇپ قالىدىغان بولۇپ قالغانلىقىنى ئېيتقان. بۇنداق ئەھۋالغا قارىتا، بۈگۈن بىز كۆپچىلىكنىڭ دىققىتىگە، ئەستە ساقلاش ئىقتىدارىنى ئۆستۈرۈشكە پايدىلىق بولغان ئۈچ خىل ئۇسۇلنى تۇنۇشتۇرۇپ ئۆتىمىز.

كۆپ ھەرىكەت قىلىش
   بۇنىڭدا سىز بەلكىم ئەجەبلىنىشىڭىز مۇمكىن: ئەستە ساقلاش ئىقتىدارى بىلەن ھەرىكەت قىلىشنىڭ نىمە مۇناسىۋىتى بولسۇن؟ ئەمەلىيەتتە، تەتقىقاتچىلارنىڭ بايقىشىچە، ھەمىشە ھەرىكەتلىنىپ چېنىقىدىغان كىشىلەر، بولۇپمۇ ئوكسېگىنلىق ھەرىكەت ئىشلەپ چېنىقىدىغان كىشىلەرنىڭ چوڭ مىڭىسىگە تەمىنلىنىدىغان قان سۇيۇقلۇقى تېخىمۇ يىتەرلىك بولىدىكەن؛ بۇنداق ئەھۋالدا، چوڭ مىڭىدىكى ئەستە ساقلاش ئىقتىدارىنى بەلگىلەيدىغان رايوننىڭ يېتىلىشىمۇ تېخىمۇ ياخشى بولىدىكەن.
   ئۇنىڭ ئۈستىگە، بۇ خىل ئۈنۈم ئۇزۇن مۇددەت ساقلىنىدىكەن. ئادەم قورامىغا يەتكەندىن كىيىن، نۇرغۇن كىشىلەرنىڭ چوڭ مىڭىسىدىكى ئەستە ساقلاش ئىقتىدارىنى بەلگىلەيدىغان رايون، ھەر يىلى ئۆزلۈكسىز تۈردە كىچىكلەپ ماڭىدىكەن. لېكىن ھەمىشە ھەرىكەت قىلىپ چېنىقىدىغان كىشىلەرنىڭ بولسا، چوڭ مىڭىسىنىڭ ئەستە ساقلاش ئىقتىدارىنى كونتىرول قىلىدىغان قىسىمدا، ئاسانلىقچە قورۇلۇپ كىچىكلەش كۆرۈلمەيدىكەن.

ياخشى ئۇزۇقلىنىش
   ياخشى ئۇزۇقلىنىش نېمە ئۈچۈن ئەستە ساقلاش ئىقتىدارىمىزنى يۇقىرى كۆتۈرەلەيدۇ؟ چۈنكى، ئادەم تاماق يەپ بولغاندىن كىيىن، ئادەمنىڭ قېنىدا نۇرغۇنلىغان گىلوكوزا ۋە ئىنسۇلىن پەيدا بولىدۇ؛ بۇ ماددىلار، چوڭ مىڭىنىڭ يېڭى بىلىم ئۆگىنىشىنى ئىلگىرى سۈرۈپلا قالماي، ئۇلار يەنە قىسقا مەزگىللىك خاتىرىنى ئۇزۇن مەزگىللىك خاتىرىگە ئايلاندۇرالايدۇ. بۇنىڭدا، ئىلگىرى ئۆگەنگەن بىلىملەرنى تېخىمۇ ئاسان ئېسىگە ئالالايدۇ.