قىزىلمۇچ قىيامى، كۈندىلىك تۇرمۇشىمىزدا كۆپ ئۇچرايدىغان تەم خۇرۇچ ماتىريالى؛ ئىشىنىمەنكى، كۆپ قىسىم كىشىلەر، قىزىلمۇچ قىيامىنى ئىنتايىن ياقتۇرۇپ ئىستىمال قىلىدۇ. بۈگۈن كۆپچىلىكنىڭ دىققىتىگە، قىزىلمۇچ قىيامىنى ئۆيدە تەييارلاش ئۇسۇلىنى تۇنۇشتۇرۇپ ئۆتىمىز؛ ئۆيدە تەييارلانغان قىزىلمۇچ قىيامىنى نەچچە ئاي ساقلاشقا بولىدۇ، سىرتتا تاللا بازارلىرىدا سېتىلىدىغان قىزىلمۇچ قىيامى قارىغاندا كۆپ ياخشى.

تەييارلاش ئۇسۇلى
   1. ئۇچلۇق كۆكمۇچ، ئۇچلۇق قىزىلمۇچ، سامساق ۋە زەنجىۋىللەرنى، كۆكتات ئىزىش ماشىنىسىغا سېلىپ ئىزىپ چانىغاندىن كىيىن، چىنىدىن بىرنىڭغا ئېلىپ قويىمىز. ئەگەر ئۆيدە كۆكتات ئىزىش ئۈسكىنىسى بولمىسا، ئازراق جاپا چىكىپ، ئادەتتە قىيمىغان پىياز چانىغانغا ئوخشاش، چەيدودا ئۇششاق چاناپ تەييار قىلسىڭىز بولىدۇ.

   2. كەينىدىن، ئۈستىگە مۇۋاپىق مىقداردا تۇز، ئاق شىكەر، ئاق كۈنجۈت قوشۇپ تەكشى ئارىلاشتۇرىمىز.

   3. سەۋزە، پىياز، زەنجىۋىل ياپراقچىسى، سامساق ياپراقچىسى، غولپىياز، كەرەپشە، شاكال بەدىيان، قوۋزاق دارچىن تەييارلايمىز.

   4. قازان ئېسىپ، ماينى كۆپرەك قۇيۇپ قىزىتىمىز؛ ئۈچىنچى قەدەمدە تەييار قىلغان ماتىرياللارنى قازانغا سېلىپ داغلايمىز، داغلاش جەريانىدا توختىماي مالتىلاپ ئارىلاشتۇرۇپ تۇرىمىز؛ ماتىرياللار داغلىنىپ سارغايغاندا ھەممىنى سۈزۈپ ئېلىۋالىمىز.

   5. ئاخىرىدا، خۇرۇچ ماتىرياللىرىنى داغلاشقا ئىشلەتكەن قىزىق ماينى، مۇچ سامساق چانالمىسىنىڭ ئۈستىگە قۇيۇپ ئارىلاشتۇرىمىز.

   6. بۇ ۋاقىتتا، بىزنىڭ قىزىلمۇچ قىيامىمىز تەييار بولغان بولىدۇ؛ ئېغىزىنى ھىم ئىتىپ ساقلىساق يېرىم يىلغىچىمۇ بۇزۇلمايدۇ.