تەييار چۆپ، ھازىر كىشىلەرنىڭ تۇرمۇشىدىكى ئەڭ كۆپ ئۇچرايدىغان تەييار يىمەكلىكلەرنىڭ بىر خىلىغا ئايلانغان بولۇپ، ھەرقانداق بىر تاللا بازىرىدا، جاھازىغا تولدۇرۇپ تىزىلغان تەييار چۆپنى كۆرەلەيمىز. ئۇنىڭ ئۈستىگە، كىچىسى ئۇخلىمايدىغان بەزىبىر "شەپەرەڭ"لەرگە نىسبەتەن، تەييار چۆپ ئۇلارنىڭ كىچىلىرى قورسىقىنى تويغۇزىشىدىكى مەززىلىك تائام بولالايدۇ؛ ئەلۋەتتە، ئادەتتە بىرقەدەر ئالدىراش بولغان خىزمەتچىلەر ئۈچۈنمۇ، تەييار چۆپ يامان ئەمەس بىر خىل تاللاش ھىسابلىنىدۇ.

   ھازىر، نۇرغۇن كىشىلەرنىڭ تەييار چۆپ ئىستىمال قىلىشى، ئۇنىڭ قولايلىق بولۇشى سەۋەبىدىنلا ئەمەس، شۇڭا كىشىلەر تەييار چۆپنىڭ ھەرخىل يىيىش ئۇسۇللىرىنى تېپىپ چىققان؛ مەسىلەن، تۇخۇم چېقىپ قاينىتىلغان تەييار چۆپ، كاۋاپ قوشۇپ قاينىتىلغان تەييار چۆپ دىگەنلەرگە ئوخشاش.

   لېكىن، تەييار چۆپنىڭ ئەڭ كىلاسسىك بولغان يىيىش ئۇسۇلى، يەنىلا قايناقسۇغا چىلاپ يىيىشتۇر. ئادەتتە، كۆپ قىسىم كىشىلەرنىڭ تەييار چۆپ چىلاش ئۇسۇلى، چۆپنى قاچىغا سېلىپ، بارلىق خۇرۇچ ماتىرياللىرىنىڭ ھەممىسىنى بىراقلا تۆكۈپ، ئۈستىگە قايناقسۇ قۇيۇپ بىردەم قويۇپ قويغاندىن كىيىن ئاندىن ئىستىمال قىلىشتۇر. بىراق، بىز بۈگۈن كۆپچىلىكنىڭ دىققىتىگە سۇنىدىغىنىمىز، تەييار چۆپنىڭ توغرا چىلاش ئۇسۇلى بولۇپ، بۇ خىل ئۇسۇلدا چىلاپ يىگەندە، تەييار چۆپ تېخىمۇ تەملىك ھەم ساغلام بولىدۇ.

   ئالدى بىلەن، قاچىغا چۆپ بىلەن كۆكتاتنى سېلىپ، ئۈستىگە قايناقسۇ قۇيۇپ، ئېغىزىنى ئىتىپ ئىككى مىنۇت چىلاپ قويىمىز. ئىككى مىنۇت توشقاندىن سۈيىنى تۆكىۋىتىمىز.