مايۈن دەم ئېلىشقا چىققاندىن كىيىن، يەنە بىر قېتىم تور ئېقىمىنى ئىگىلەپ، داڭقى قايتىدىن يۇقىرى پەللىگە چىقتى؛ بەزىلەر ئۇنى "دۇنيا تارىخىدىكى ئەڭ ئۇلۇغۋار كارخانىچى قەھرىمانلارنىڭ بىرى" دەپ تەرىپلەشتى.
   15-ئۆكتەبىر كۈنى كەچتە، سىنگاپوردا ئۆتكۈزۈلگەن 2019-يىللىق فوربىس خەلقئارالىق CEO لار يېغىلىشىدا، مايۈننىڭ پۈتكۈل يەرشارى مىقياسىدىدا كارخانىچىلار روھىدا چىڭ تۇرغانلىقى ۋە تەرغىپ قىلغانلىقىنى مۇكاپاتلاش ئۈچۈن،  ئۇنىڭغا فوربىس ئۆمۈرلۈك مۇۋەپپىقىيەت مۇكاپاتى بىرىلدى؛ مايۈنمۇ 13يىلدىن بىرى يەرشارى مىقياسىدا تۇنجى بولۇپ بۇ مۇكاپاتقا ئىرىشكەن ئىنتىرنىت تورى ساھەسىدىكى كارخانىچىغا ئايلاندى.

   مايۈن شىركىتىنى تەرەققى قىلدۇرۇپ مۇۋەپپىقىيەتكە ئىرىشىپلا قالماي، ئۇ يەنە دۆلىتىمىز ئىچى سىرتىدىكى نۇرغۇنلىغان كارخانا ۋە شەخسىلەرنى توردا تىجارەت قىلىش ئىقتىدارىغا ئىگە قىلىپ، نۇرغۇنلىغان كىشىلەرنى ئىشقا ئورۇنلىشىش پۇرسىتىگە ئىگە قىلدى. فوربىسنىڭ رەئىسى مايۈنگە، "ئالى بابانىڭ ئىگىلىك تىكلەشتىكى ئەسلى مەقسىتى ۋە ئىرىشكەن مۇۋەپپىقىيەتلىرى، نوبىل مۇكاپاتىغا ئىرىشىشكە پۈتۈنلەي ھەقلىق" دەپ ئېيتتى.

   فوربىس ئۆمۈرلۈك مۇۋەپپىقىيەت مۇكاپاتى قانداق تۈردىكى مۇكاپات؟
   فوربىس ئۆمۈرلۈك مۇۋەپپىقىيەت مۇكاپاتى، فوربىس گۇرۇھى تەرپىدىن تەسسىس قىلىنغان ھەمدە فوربىس گۇرۇھىنىڭ ئالەمدىن ئۆتكەن رەئىسىنىڭ ئىسمى بىلەن نام بىرىلگەن مۇكاپات تۈرى بولۇپ، تۇلۇق ئاتىلىشى " مالكولوم. فوربىس ئۆمۈرلۈك مۇۋەپپىقىيەت مۇكاپاتى". بۇ مۇكاپاتنى تەسسىس قىلىشنىڭ ئەسلى مەقسىتى، داڭلىق كارخانىچىلارنىڭ سودا ساھەسىگە بىر ئۆمۈر تۆھپە قوشقانلىقىغا ھۆرمەت بىلدۈرۈش ئۈچۈن بولۇپ، 2006-يىلى تەسسىس قىلىنغاندىن بويان، پۈتكۈل يەرشارى بويىچە پەقەت 7نەپەر كارخانىچىلا بۇ مۇكاپاتقا ئىرىشكەن.
   ئىلگىرى بۇ مۇكاپاتقا ئىرىشكەن كارخانىچىلاردىن، مىكسىكا تىلگىراف ماگناتى كارلوس.سىلىم.خېلو، ۋالمارت شىركىتى باش لىدىرى روبىنسون.ۋالتون، چاڭجىياڭ ئوقەتچىلىكى ۋە خېجى خۇاڭپۇ شىركىتى باش لىدىرى لى جىياچىڭ، ۋەندا گۇرۇھى باش لىدىرى ۋاڭ جىيەنلىن قاتارلىقلار بار.
   تۇنجى نۆۋەتلىك فوربىس ئۆمۈرلۈك مۇۋەپپىقىيەت مۇكاپاتىغا ئىرىشكۈچى، دۆلىتىمىزنىڭ سىچۈەن ئۆلكىسىدىن.
   ۋاڭ جىيەنلىن، ئەر، 1954-يىلى 10-ئاينىڭ 24-كۈنى سىچۈەن ئۆلكىسى گۇاڭ يۈەن شەھىرى ساڭشى ناھىيىسىدە تۇغۇلغان؛ 1989-يىلىدىن باشلاپ، ۋەندا گۇرۇھى پاي ھەسسىدارلىق چەكلىك شىركىتىنىڭ باش لىدىرىلىق ۋەزىپىسىنى ئۈستىگە ئالغان.
   2006-يىلى 11-ئاينىڭ 29-كۈنى، 16-نۆۋەتلىك فوربىس خەلقئارالىق CEO لار يېغىلىشىدا، تۇنجى قېتىملىق مالكولوم. فوربىس ئۆمۈرلۈك مۇۋەپپىقىيەت مۇكاپاتى تارقىتىلغان بولۇپ، ۋەندا گۇروھى باش لىدىرى ۋاڭ جىيەنلىك بۇ مۇكاپاتقا ئىرىشكەن.