خۇددى بېلىق سۇدىن ئايرىلالمىغانغا ئوخشاش، ئاياللارمۇ ئەركىشىدىن ئايرىلالمايدۇ؛ چۈنكى، ئايال كىشى مۇھەببەتنىڭ قۇۋۋەتلەپ تۇرىشىغا مۇھتاج، بۇنىڭدا ئۇلار ئاندىن تېخىمۇ چىرايلىقلىشىپ، بارغانسىرى ياشىرىپ كىتىدۇ. ئەمما ئايال كىشى توي قىلغاندىن كىيىن، ئۇلاردا ئۇزۇن مۇددەت مۇھەببەت كەمچىل بولسا، تۆۋەندىكىدەك ئالامەتلەر كۆرىلىدۇ!

مىجەزى بارغانسىرى تىرىككەك بولۇپ قالىدۇ
   ئۇزۇن مۇددەت ئەركىشىنىڭ كۈيۈنىشىگە ئىرىشەلمىگەن ئايال كىشىنىڭ، ئاچچىقى بارغانسىرى يامان، مىجەزى بارغانسىرى تىرىككەك بولۇپ قالىدۇ؛ بەزىبىر كىچىك ئىشلارمۇ، ئۇلارنىڭ پارتلىشىغا سەۋەبچى بولىدۇ. چۈنكى، ئۇلار ئىچكى دۇنياسىدىكى بېسىم قويۇپ بىرەلمەي، جىدەللىشىش، نەرسە-كىرەك چېقىش قاتارلىق ئۇسۇللار ئارقىلىق ئاچچىقىنى چىقىدۇ؛ ئەمىلىيەتتە بولسا، ئۇلارنىڭ بۇنداق قىلمىشلىرىنىڭ ھەممىسى، ئەركىشىنىڭ دىققىتىنى قوزغاش ئۈچۈن بولىدۇ. شۇڭا، ئەر كىشى ھەرۋاقىت ئايالىغان كۈيۈنىشىنى ۋە مۇھەببىتىنى ئىپادىلەپ تۇرۇشى كېرەك.
بىخەتەرلىك تۇيغۇسى كەمچىل بولغان سەۋەپلىك ئۆزىگە ئىشەنمەس بولۇپ قالىدۇ
   توي تۇرمۇشىدا، مۇھەببەت كەمچىل ئاياللار ئاسانلا ئىرىشىش ۋە يوقىتىشنى كۆپ ئويلايدىغان بولۇپ قالىدۇ. ئىرىنىڭ ئۇلارغا بەك پەرۋا قىلىپ كەتمىگەندە، ئۇلار بىرەر ئىشنى خاتا قىلىپ سالدىممۇ، سەتلىشىپ قالدىممۇ، ئىرىم مىنى ياخشى كۆرمەس بولۇپ قالدىمۇ دەپ قالايمىقان ئويلاپ، بىخەتەرلىك تۇيغۇسى كېمىيىپ كىتىدۇ ھەمدە بۇ  سەۋەپلىك ئۆزىنى ئىقتىدارسىز ھىس قىلىپ، ئۆزىگە بولغان ئىشەنچىسى تۆۋەنلەپ كىتىدۇ. بۇنداق ئەھۋالدا ئۇلار قالايمىقان ئويلاۋىرىپ، ۋاقىت ئۇزىراپ كەتسە، بەلكىم خامۇشلىشىپ قېلىشىمۇ مۇمكىن.

ھەۋەس-قىزىقىش يىتىلدۈرۈش خوشياقمايدىغان بولۇپ قالىدۇ
   ئىرىنىڭ كۈيۈنىشى بولمىغان ئايال كىشىگە، ھەرقانداق ئىش خوشياقماس بولۇپ قالىدۇ، ئۇلار ھەتتا گىرىم قىلىپ ياسىنىشقىمۇ ھەرىكەتلەندۈرگۈچ كۈچى يوق بولۇپ قالىدۇ. چۈنكى، ئەگەر ئىرىنىڭ دىققىتى ئۇلاردا بولمىسا، ئۇلار ياسىنىپ كىمگە كۆرسىتىدۇ دەيسىز؟ بۇ ۋاقىتتا، ئۇلارنىڭ ئىدىيىسى بارغانسىرى پاسسىپلىشىپ، ئۆزىنىڭ قىزىقىش-ھەۋەسلىرىنى يوقىتىپ قويىدۇ، ئاخىرى بېرىپ دوستلار چەمبىرىكىمۇ كىچىكلەپ كىتىدۇ.
تالاغا قارايدۇ
   توي تۇرمۇشىدا ئۇزۇن مەزگىل مۇھەببەت كەمچىل بولغان ئايال كىشىدە، بىخەتەرلىك تۇيغۇسىمۇ كەمچىل بولىدۇ؛ بۇنداق ئەھۋالدا، ئۇلار تەبىئىيلا چىقىپ كۆڭۈل خوشى ئىزدەيدۇ. كۆپىنچە ۋاقىتلاردا، ئايال كىشى تالاغا قارىسا، قارشى تەرەپنىڭ پۇلىنى كۆزلىگەن سەۋەپتىن ئەمەس، بەلكى قارشى تەرەپنىڭ ئۇنىڭغا مۇھەببەت ۋە ئىللىقلىق بىرەلىگەنلىكىدىن بولىدۇ؛ چۈنكى ئۇ، ئىرىنىڭ ئۈستىدىن بۇ نەرسىلەرگە ئىرىشەلمىگەن بولىدۇ. مۇھەببەت كەمچىل ئاياللارغا، پەقەت بىرەر ئەركىشى ئازراقلا كۆڭۈل بۆلۈپ قويسا، مەسىلەن ئاغرىپ قالغان ۋاقىتتا ئۇنىڭغا تەسەللى بىرىپ قويسا، ئۇنداقتا ئايال كىشى چوقۇم ئۇ ئەركىشىنىڭ كەينىدىن كىتىپ قالىدۇ. خارەكتىرى ھەرقانچە كۈچلۈك ئايال كىشىمۇ، ئەركىشىنىڭ كۈيۈنۈشىگە ۋە يۆلەنچۈك بولىشىغا مۇھتاج بولىدۇ.