مەيلى توي قىلىپ بولغان ئەركىشى بولسۇن ياكى توي قىلمىغان بويتاق ئەر كىشى بولسۇن، ئۇلارنىڭ ھەممىسىنىڭ بىر ئورتاق كىسىلى بار؛ ئۇ بولسىمۇ، ئۆزىگە كۆڭلى بار ئايال كىشىنى، ئۇلار ئەزەلدىن رەت قىلىۋەتمەيدۇ، پەقەت پۇرسەت بولسىلا، ھەزىم قىلالىشى ياكى قىلالماسلىقى بىلەن چاتىغى يوق، ھەممىنى باغرىغا تارتىدۇ. ئۇلار، ئايال كىشىنىڭ بۇنداق كۆڭلىنى تەشەببۇسكارلىق بىلەن رەت قىلىۋەتمەيدۇ، ئەكسىچە يىپنى ئۇزۇن قويىۋىتىپ بىلىق تۇتماقچى بولىدۇ؛ ئۇلار ئايال كىشىنىڭ بۇ خىل مۇھەببەت خاھىشى ۋە زوقلىنىشىنى، بىر خىل نەتىجە دەپ قارايدۇ ھەمدە كۆز-كۆز قىلىش مەبلىغى ھىسابلاپ، ئەل-ئاغىينىلىرى ئارىسىدا خىجىل بولماستىن ماختىنىپ يۈرىدۇ.

   ئەگەر سىز بۇنداق ئەرلەرنى ياخشى ئەر ئەمەس دىسىڭىز، ئۇنداقتا بۇ دۇنيادا راستىنلا ياخشى ئەر يوق بولغان بولىدۇ. سىز بەلكىم، مەن يولۇققان ئەركىشى رەت قىلىشنى بىلىدۇ دىيىشىڭىز مۇمكىن؛ مىنىڭچە ھەرگىز ئۇنداق ئەمەس، ئۇ بەلكىم بۇنداق پۇرسەتنى تېخى ئۇچراتمىغان بولۇشى مۇمكىن. چۈنكى، ھەرقانداق بىر ئەركىشىدە، بۇ خىل پىسخىكا بار؛ ئەگەر بىر ئايال كىشى بىر ئەركىشىنى قوغلاشسا، ئۇنىڭغا ياخشى مۇئامىلە قىلسا، ئەركىشى ئۇ ئايال كىشىنى ياخشى كۆرمىگەن تەقدىردىمۇ، ئۇ ئايال كىشىنىڭ مۇھەببىتىنى ۋە ياخشى مۇئامىلىسىنى خاتىرجەم ھالدا قوبۇل قىلىۋىرىدۇ.
   نۇرغۇن ئەرلەرنىڭ پۈتكۈل ئۆمرىدە، مۇھەببەتكە ساداقەتسىزلىك قىلىشقا پۇرسەت چىقماسلىقى مۇمكىن؛ بۇنىڭ سەۋەپلىرى نۇرغۇن بولۇپ، بەلكىم جۆرىسى ھەرۋاقىت يېنىدا بىللە بولۇشى مۇمكىن، ياكى بەك يۇۋاش بولۇشى مۇمكىن، ۋە ياكى ھىسىي كۆرسەتكۈچى تۆۋەن، ئاياللارنى كەلتۈرۈشنى بىلمەيدىغان بولۇشى مۇمكىن، شۇڭا ئۇلارنىڭ پۇرسىتى تەبىئىيلا ئاز بولىدۇ. بىراق بەزى ئەرلەر، تۇغۇلما ھىسي كۆرسەتكۈچى يۇقىرى كىلىدىغان بولۇپ، پۇرسەت ھەرقاچان ئۇلارنىڭ ئۆزىنىڭ قولىدا بولىدۇ؛ بۇنداق ئەرلەر، ھەمىشە پۇرسەتتىن پايدىلىنىپ باشقا ئاياللارنىڭ ئالاقىلىشىش ئۇسۇلىنى قالدۇرۋىلىپ، كىيىنكى كۈنلەردە ئىشلىتىش پۇرسىتى چىقىپ قېلىشىنى ساقلايدۇ.

   ئەرلەرنىڭ تەبىئىتىدىن ئېلىپ ئېيتقاندا، ئۇلارنىڭ ئۆمرىدە بىرلا ئايال كىشىنى ياخشى كۆرۈش ئىھتىماللىقى، ئىنتايىنمۇ كىچىك.
   ئادەمنىڭ تەبىئىتىنى ئۆزگەرتمەك تەس. ئەركىشى مەيلى توي قىلىپ بولغان بولسۇن ياكى مۇھەببەتلىشىۋاتقان بولسۇن، پەقەت ئۇلارنىڭ كۆڭلىدە تەۋرىنىش پەيدا قىلالايدىغان، ئۇلارغا ياخشى مۇئامىلە قىلىدىغان ئاياللار بولسىلا، ئۇلار خاتالىق ئۆتكۈزۈشتىن باش تارتمايدۇ؛ مەيلى قىسقا مەزگىللىك بولسۇن ياكى ئۇزۇن ۋاقىتلىق بولسۇن، ئۇلار بۇنىڭ ئىچىدىن ئۆزىگە تەۋە بىر خىل مەۋجۇتلۇق تۇيغۇسى ئېلىپ كەلگەن خۇشاللىققا ئىرىشەلەيدۇ ھەمدە ب تۇرمۇشنىڭ بېسىمىنى سەۋەپ قىلىپ، ئۆزىنىڭ جىم تۇرمايدىغان كۆڭلىگە مۇۋاپىق بىر باھانە ئىزدەيدۇ.
   ئۇلار قاچىدىكىنى يەپ تۇرۇپ چۆمۈچتىكىگە نەزەر تاشلايدۇ، ئۇلارنىڭ ئىستىكى مەڭگۈ قانائەتلىنىشنى بىلمەيدۇ. چۈنكى بۇ، ئۇلارنىڭ تەبىئىتىدۇر.