سامساق، تاماق ئۈستىلىدە ئەڭ كۆپ ئۇچرايدىغان تەم خۇرۇچ يىمەكلىك ماتىريالىنىڭ بىرى بولۇپ، ئۇنىڭ باكتىرىيە ئۆلتۈرۈش، دىزىنفىكسىيەلەش ۋە ياللۇغ قايتۇرۇش روللىرى بار بولغاچقا، "تەبىئى ئانتىبىئوتىك" دىگەن نامغا ئىرىشكەن. بۇندىن باشقا، سامساقنىڭ يەنە ئوكسىدلىنىشقا قارشى تۇرۇش رولى بار بولۇپ، سامساق تەركىبىدىكى گۈڭگۈرت بىرىكمە ماددىلىرى، ئادەمنىڭ ئىممونت كۈچىنى ئاشۇرۇپ، راك كىسەللىكىگە گىرىپتار بولۇش خەۋىپىنى تۆۋەنلىتىدۇ.

   لېكىن، سامساق گەرچە ياخشى بولسىمۇ، ئەمما ھەممىلا ئادەمگە ماس كىلىۋەرمەيدۇ؛ مەسىلەن، تۆۋەندىكى بۇ خىلدىكى كىشىلەر، سامساق يىيىشكە ماس كەلمەيدۇ.

 

جىگەر كىسەللىكى بىمارلىرى ۋە قان ئۇيۇلۇش ئىقتىدارى ياخشى ئەمەس كىشىلەر
   سامساقنىڭ گەرچە باكتىرىيە ئۆلتۈرۈش ئۈنۈمى بار بولسىمۇ، ئەمما جىگەر ياللۇغى كىسەللىك باكتىرىيەسىگە تەسىر قىلمايدۇ، ئەمما ئاشقازان ئۈچەينى غىدىقلايدۇ. ئۇنىڭ ئۈستىگە، سامساق تەركىبىدىكى تارقىلىشچان ماددىلار، باكتىرىيە ئۆلتۈرۈش بىلەن بىر ۋاقىتتا، قاندىكى قىزىل ھۈجەيرىسى ۋە قىزىل قان ئاقسىلىنىمۇ  قوشۇپ ئۆلتۈرۋىتىپ، جىگەر كىسەللىكىنىڭ ياخشىلىنىشىنى ئاستىلىتىۋىتىدۇ.
   بۇندىن باشقا، سامساقنىڭ بەلگىلىك دەرىجىدە، قان ئۇيۇشۇشقا قارشى تۇرۇش رولى بار؛ بۇ ئەھۋال، قېنى قۇيۇق بىمارلارغا نىسبەتەن، قاننىڭ ماي تەركىبىنى تۆۋەنلىتەلەيدىغان بىر ياخشى ئىش بولسىمۇ، ئەمما جىگەردە زەخمە بار بىمارلارغا نىسبەتەن، ئۇنچە بەك ياخشى ئىش ھىسابلانمايدۇ. چۈنكى، جىگەر ئىقتىدارى زەخمىلىنىشكە ئۇچرىغاندىن كىيىن، قان ئۇيۇلۇش ئىقتىدارى تەسىرگە ئۇچرايدۇ؛ ئەگەر بۇ ۋاقىتتا يەنە سامساق ئىستىمال قىلساق، قاننىڭ ئۇيۇشۇش ئىقتىدارىنى تۆۋەنلىتىپ، قان چىقىش ھادىسىسىنى ئېغىرلىتىۋىتىدۇ.

كۆز كىسەللىكى بار كىشىلەر
   جۇڭيى تىبابىتىنىڭ قارىشىچە، ھەمىشە ئارتۇق مىقداردا سامساق ئىستىمال قىلغاندا، جىگەر ۋە كۆزگە يامان تەسىر يەتكۈزىدىكەن. غەرپ تىبابىتىدە بايقىلىشىچىمۇ، كۆز قۇرغاقلىشىش كىسەللىكى، كۆرۈش تور پەردىسى ياللۇغى قاتارلىق كۆز كىسەللىكلىرى بار بىمارلار، ئەگەر داۋاملىق تۈردە كۆپ مىقداردا سامساق ئىستىمال قىلسا، ئۇلاردا كۆرۈش قۇۋۋىتى تۆۋەنلەپ كىتىش، قولاق غوڭۇلداش، ھەتتا ئەستە ساقلاش ئىقتىدارى چىكىنىپ كىتىش قاتارلىق ئەھۋاللار كۆرىلىدىكەن.

يۈرەك كىسەللىكى بار كىشىلەر
   سامساقنىڭ تەمى ئاچچىق بولۇپ، يۈرەك كىسەللىكى بىمارلىرى سامساق ئىستىمال قىلغاندا، ئاسانلا بەدىنىدىكى قان ئايلىنىش تىزلىشىپ، يۈرەكنى غىدىقلاپ قويىدۇ ھەم يۈرەكنىڭ بېسىمىنى ئاشۇرۋىتىدۇ. بۇنداق ئەھۋالدا، يىنىكرەك بولغاندا كۆڭۈل ئېلىشىپ ياندۇرۇش كۆرىلىدۇ، ئېغىر بولغاندا يۈرەك تەدرىجى سوقۇشتىن توختاپ قېلىش كىلىپ چىقىپ، بىمارنىڭ ھاياتىغا خەۋپ ئېلىپ كىلىدۇ. شۇنىڭ ئۈچۈن، يۈرەك كىسەللىكى بىمارلىرى قاتتىق ھەرىكەتلىنىشكە بولمىغاندىن باشقا، يەنە سامساقنىمۇ ئىمكان بار ئازراق ئىستىمال قىلىشى كېرەك.

ئۈچەي ياللۇغى بار بىمارلار
   سامساقنىڭ غىدىقلاش خارەكتىرى ئىنتايىن كۈچلۈك بولۇپ، ئەگەر غەيرى باكتىرىيە تىپىدىكى ئۈچەي ياللۇغى بار بىمارلار بۇنداق غىدىقلىغۇچى يىمەكلىكنى يىگەندە، ئۈچەينىڭ چاپلاشقاق پەردىسىگە قان تولىشىنى كەلتۈرۈپ چىقىرىپ، سۇلۇق ئىششىق ئەھۋالىنى تېخىمۇ ئېغىرلاشتۇرۋىتىدۇ ھەمدە كىسەللىك ئەھۋالىنىمۇ يامانلاشتۇرۋىتىدۇ.