توي تۇرمۇشى سىرتىدىكى مۇھەببەت، ئەر-خوتۇن ئىككەيلەننىڭ مۇناسىۋىتىگە نىسبەتەن چوقۇم بىر خىل زەھەرلىك دورا؛ بىراق، تالاغا قارىغان بىر تەرەپكە نىسبەتەن، ئۇ يەنە بەلكىم بىر خىل يىڭى ساقلاش "دورىسى" بولۇشى مۇمكىن. ئۇ ئادەمنىڭ شۆھرەتپەرەسلىكىنى، جىسمانىي ھەۋىسىنى، ھىسي ئىستىكىنى قانائەتلەندۈرىدۇ؛ ئۇ، ئادەمگە توي قىلىشنىڭ ئالدىدىكى ياكى يىڭى توي قىلغان ۋاقىتتىكى يىڭىلىق تۇيغۇسىنى قايتا ئېلىپ كىلەلەيدىغان بولۇپ، تالاغا قارىغان ئادەمدە بىر خىل ئۇنتۇلماس خاتىرە پەيدا قىلىدۇ.

   ئەر-خوتۇنلار ئارىسىدىكى بىر تەرەپ تالاغا قارىسا، چوقۇم يەنە بىر تەرەپكە سۇغۇق مۇئامىلە قىلىدۇ؛ بۇنداق ئەھۋال، توي تۇرمۇشىنىڭ سۈپىتىنى ۋە ئائىلىگە بولغان مەسئۇلىيەتنى تۆۋەنلىتىۋىتىدۇ. تالاغا قاراش گەرچە يۇشۇرۇن ئېلىپ بېرىلىدىغان ھەرىكەت بولسىمۇ، ئەمما تالاغا قارىغان تەرەپ باشقا بىر جىنسىي ھەمراھ تېپىۋالغان بولغاچقا، چوقۇم كۆڭلى باشقا تەرەپكە ئېغىپ، ئۆيدىكى جۆرىسى كۆزىگە سىغمايدۇ ۋە ئۇنىڭدىن ھەرخىل قۇسۇرلارنى ئىزدەيدۇ.
   ئادەم ئەگەر تالاغا قاراپلا قالسا، ئۇنىڭ جۆرىسىگە بولغان ھىسياتى مەڭگۈ ئىلگىرىكى ھالەتكە قايتالمايدۇ؛ بۇ ھالەت، ئەر-خوتۇنلار ئوتتۇرسىدىكى ھىسياتقا تەسىر كۆرسىتىپ، ئائىلىگە زىيان ئېلىپ كىلىدۇ.