ئوسۇرۇش، گەرچە خىجىل بولغۇدەك بىر ئىش بولسىمۇ، ئەمما ئۇ يەنە كۈندىلىك تۇرمۇشىمىزدىكى نورمال بىر ئىش. ھەممە ئادەم ئوسۇرىدۇ، نورمال ئادەم ھەركۈنى 10-6قېتىم ئوسۇرىدۇ؛ نورمال ھالەتتىكى بۇ ئوسۇرۇقلارنىڭ ئاۋازى بەك ئۈنلۈك بولمايدۇ، پۇرىقىمۇ بەك سېسىق بولمايدۇ. بىراق، بەزى كىشىلەر ئەتىگەندىن كەچكىچە توختىماي ئوسۇرىدۇ، پۇرىقىمۇ ناھايىتى سېسىق بولىدۇ؛ ئۇنداقتا بۇ زادى نىمە ئۈچۈن؟ ئەمىلىيەتتە، كۆپىنچە تۆۋەندىكى نەچچە خىل سەۋەپتىن بولىدۇ.

يەللىك يىمەكلىكلەرنى كۆپ يەۋىلىش
   تۇرمۇشىمىزدا كۆپ ئۇچرايدىغان يەل پەيدا قىلىدىغان يىمەكلىكلەردىن، تاتلىق ياڭيۇ، پىياز، پۇرچاق تۈرى ۋە بەزىبىر مايلىق يىمەكلىكلەر بار؛ بۇ يىمەكلىكلەر ئۈچەي يوللىرىدا پارچىلىنىپ ھەم ئېچىپ، نۇرغۇنلىغان كېرەكسىز گازلارنى ھاسىل قىلىدۇ ھەمدە بۇ سەۋەپلىك توختىماي ئوسۇرۇشنى كەلتۈرۈپ چىقىرىدۇ، پۇرىقىمۇ ناھايىتى سېسىق بولىدۇ.

قەۋزىيەت
   ئۇزۇن مەزگىل قەۋزىيەت بولۇپ قالغان كىشىلەرنىڭ ئۈچەي يولىدا، نۇرغۇنلىغان زەھەرلىك ماددىلار ۋە ئەخلەتلەر يېغىلىپ قالىدىغان بولۇپ، ئەگەر ۋاقتىدا بەدەن سىرتىغا چىقىرۋىتىلمىسە، ئادەم بەدىنى تەرپىدىن قايتا-قايتا سۈمۈرۈلۈپ ۋە ئىشلىتىلىپ، بەدەنگە زىيانلىق تەسىر كۆرسىتىدۇ. بۇنىڭ بىلەن بىرگە، بۇ ئەخلەتلەر ۋە زەھەرلىك ماددىلار، ئۈچەي يولىدا قايتىدىن رىئاكسىيەلىشىپ، نۇرغۇنلىغان گازلارنى ھاسىل قىلىدۇ؛ بۇنداق ئەھۋالدا قويۇپ بەرگەن ئوسۇرۇقمۇ ناھايىتى سېسىق بولىدۇ.

تاماق يىگەندە بەك كۆپ ھاۋا سۈمۈرۋىلىش
   بەزى كىشىلەر تاماق يىگەندە دىققەت قىلماي، تاماق يەۋىتىپ توختىماي سۆزلەيدۇ ياكى تاماقنى بەك تىز يەيدۇ؛ بۇ ئەھۋاللارنىڭ ھەممىسى ھاۋانى كۆپ سۈمۈرۋىلىشنى كەلتۈرۈپ چىقىرىدىغان بولۇپ، ئۈچەي يولىدىكى گازلارنىڭ كۆپىيىپ كىتىشىنى كەلتۈرۈپ چىقىرىدۇ، بۇ گازلار ئەلۋەتتە ئوسۇرۇق شەكلىدە بەدەن سىرتىغا چىقىرىلىدۇ.

كىلىماكتىرىيە دەۋرى
   كىلىماكتىرىيە دەۋرىگە كىرگەندىن كىيىن، بەدەندىكى ھورمۇن سەۋيىسىدە ئۆزگىرىش كۆرىلىدۇ؛ بۇنداق ئەھۋالدا، بەدىنىمىز زور مىقداردا ئىنىرگىيە سەرپ قىلىپ تەڭشەش ئېلىپ بارىدىغان بولۇپ، ئاشقازان-ئۈچەي ئىقتىدارىنى تەڭشەشكە ئارتۇق ئىنىرگىيە قالمايدۇ ھەمدە بۇ سەۋەپلىك ئاشقازان-ئۈچەينىڭ ھەزىم قىلىش ئىقتىدارىنىڭ تۆۋەنلەپ كىتىشىنى كەلتۈرۈپ چىقىرىپ، توختىماي ئوسۇرىدىغان ئەھۋالنى پەيدا قىلىدۇ.