ھەر قېتىم تاماشا چەمبىرىكىدىكى ئۈلگىلىك ئەر-خوتۇنلارنى تىلغا ئالغىنىمىزدا، نۇرغۇن تورداشلار، نۆۋەتتە بىرقەدەر داڭ چىقارغان سەنئەتكار ئەر-خوتۇنلارنى ئىسىگە ئالىدۇ. بۈگۈن تىلغا ئېلىپ ئۆتمەكچى بولغان بۇ بىر جۈپ ئەر-خوتۇن، ئىزچىل تۈردە ناھايىتى ئىجىل-ئىناق ئۆتۈپ كىلىۋاتقان بولۇپ، ئۇلارغا دىققەت قىلىپ كەلگەن تورداشلارنىڭ ھەممىسى ئۇلارغا قەۋەت ھەۋەسلىنىدۇ؛ بۇ بىر جۈپ ئەر-خوتۇنلار، دەل لۈ سۇڭشىيەن بىلەن ئايالى مەي جىڭتىڭ. بۇئىككەيلەن ئادەتتە تۆۋەن ماقامدا ئىش كۆرىدۇ، تاماشا چەمبىرىكىدە جىمىپ كەتكىلىمۇ ئۇزۇن بولغان.

   ئەمىلىيەتتە، لۈ سۇڭشىيەن، كىنو-فىلىم سەنئەت ساھەسىدىكى پىشقەدەم ئۇستاز ھىسابلىنىدۇ؛ ئىشىنىمەنكى، كۆپ قىسىم تاماشىبىنلار ئۇنى تۇنۇيدۇ. چۈنكى، ئىلگىرى، ئۇنىڭ كىنو-فىلىم ساھەسىدىكى خېلىلا نامى چىققان بولۇپ، پەقەت ھازىر يېشىنىڭ چوڭىيىشىغا ئەگىشىپ، يېقىنقى يىللاردىن بىرى كىنو-فىلىملەرگە رول ئالمىغان.

   تۇرمۇش جەھەتتە، ئىلگىرى، لۈ سۇڭشىيەننىڭ نەچچە قېتىملىق مەغلۇبىيەت بىلەن ئاخىرلاشقان مۇھەببەت تارىخى بار بولغان؛ بىراق، ھازىر توي قىلىپ بىرگە ئۆتىۋاتقىنىغا 25يىل بولغان ئەر-خوتۇنلارغا نىسبەتەن ئېلىپ ئېيتقاندا، ئۇ ئىشلارنىڭ ھەممىسى ئاللىبۇرۇنلا تارىخقا ئايلانغان. بۇ ئەر-خوتۇن ئىككەيلەن بىر-بىرىنى روھى جەھەتتىكى يۆلەنچۈكى ھىسابلايدىغان بولۇپ، ئىككەيلەن ياش ھالىتىنى ساقلاپ قېلىش ئۈچۈن، نۇرغۇنلىغان تىرىشچانلىقلارنى كۆرسەتكەن.

   كۆپچىلىك بەلكىم بىر ئادەمنىڭ يىگىرمە نەچچە يىل گۆش يىمەي ئۆتەلىشىنى تەسەۋۋۇر قىلىپ بولالماسلىقى مۇمكىن، بىراق بۇ بىر جۈپ ئەر-خوتۇنلار بۇنى ئىشقا ئاشۇرالىغان؛ ئۇلار 25يىلدىن بىرى قەتئى گۆش يەپ باقمىغان ھەمدە پەرزەنتلىكمۇ بولمىغان، ئىزچىل تۈردە ئىككى كىشىلىك دۇنيادىن ھۇزۇرلىنىپ  كەلگەن. گەرچە نۇرغۇن كىشىلەر ئۇلارنىڭ بۇ خىل قىلمىشىنى توغرا چۈشىنەلمىسىمۇ، ئەمما شۇنى ئىتراپ قىلماي تۇرالمايمىزكى، ئىككەيلەننىڭ ئۇسۇلى بەلگىلىك دەرىجىدە ئۈنۈم كۆرسەتكەن.

   بۇ يىل 57ياشقا كىرگەن مەي جىڭتىڭنىڭ يۈزىدە ئاساسەن قورۇقچە يوق، بەدەن شەكلىدىمۇ قېرىلىق ئالامەتلىرى كۆرۈلمىگەن، قارىماققا ئىنتايىن مۇكەممەل كۆرىنىدۇ؛ لۈ سۇڭشىيەنمۇ قارىماققا ئىنتايىن ياش كۆرىنىدۇ، يەنىلا ئىلگىرىكى كۆپچىلىككە تۇنۇشلۇق بولغان قاملاشقان يىگىتچاق ھالىتىدىن كۆپ پەرقلىنىپ كەتمەيدۇ.
   ئۇلارنىڭ ئۇسۇلىغا سىز قانداق قارايسىز؟