بىر كۈنلۈك ئىش سەھەردىن باشلىنىدۇ. سەھەر ۋاقتى، ئادەمنىڭ زىھنى ئەڭ ئۇرغۇپ تۇرىدىغان ۋاقىت بولۇپ، ئۇ ھەم بىركۈن ئىچىدىكى ئەڭ مۇھىم بولغان كۈتۈنۈش ۋاقىت مەزگىلىدۇر. ئەگەر ئەتىگىنى ئورنىڭىزدىن تۇرغاندىن كىيىن، بۇ ئىشلارنى قىلىپ ئادەتلەنسىڭىز، ساغلام بولىسىز ھەم ئۇزۇن ئۆمۈر كۆرىسىز.

بىر ئىستاكان ئىلمان قايناقسۇ ئىچىش
   نۇرغۇن كىشىلەر ئەتىگىنى ئورنىدىن تۇرغاندىن كىيىن سۇ ئىچمەيدۇ، بۇ ياخشى بولمىغان بىر خىل ئادەت. ئادەم بەدىنىدە بىر كىچە ئىنىرگىيە خورىغاندىن كىيىن، بىر خىل سۇ كەمچىل بولۇش ھالىتىدە تۇرىدۇ؛ ئەگەر بۇنداق ئەھۋالدا ۋاقىتىدا سۇ تەركىبىنى تۇلۇقلىمىغاندا، تۇيۇقسىز ئۆلۈپ كىتىش خەۋىپى ئېشىپ كىتىدۇ. ئەتىگەندە ئورنىمىزدىن تۇرۇپ بىر ئىستاكان سۇ ئىچىپ بەرسەك، سۇ تەركىبى تۇلۇقلىغاندىن سىرت، يەنە بەدەندىكى زەھەرلىك ماددىلارنى ھەيدەش، قاننىڭ قۇيۇقلۇقىنى تۆۋەنلىتىش قاتارلىق روللارنى ئوينايدۇ.

ئەتىگەندە ناشتا قىلىش
   خىزمىتى بار نۇرغۇن كىشىلەر، ئەتىگىنى ئىشقا ئالدىراپ، ھەمىشە ناشتا قىلمايدۇ ياكى يولدا خالىغانچە ئازراق بىرنەرسە سېتىۋىلىپ، بىر تەرەپتىن ماڭغاچ بىر تەرەپتىن يەيدۇ؛ بىراق، بۇلارنىڭ ھەممىسى ناچار بولغان تۇرمۇش ئادەتلىرى. ئەتىگەنلىك ۋاقىت، ئادەم بەدىنى زور دەرىجىدە ئۇزۇقلۇق تۇلۇقلاشقا ئىھتىياجلىق بولىدىغان ۋاقىت بولۇپ، ئەگەر ناشتا قىلمىساق، ئۇزۇقلۇق ماددىلارنىڭ يىتىشمەسلىكى كىلىپ چىقىپ، بەدەننىڭ ھەرقايسى ئورگانىزىملىرىنىڭ ئىقتىدارىمۇ، ئوخشاش بولمىغان دەرىجىدە تەسىرگە ئۇچرايدۇ. ئەگەر بۇنداق ئەھۋال ئۇزۇن ۋاقىت داۋاملىشىۋەرسە، ئادەمنىڭ ساغلاملىقىغا زور دەرىجىدە تەسىر يەتكۈزىدۇ.

ئەتىگىنى چوڭ تەرەت قىلىش
   ئادەم بەدىنىدە بىر كىچە تۇرۇپ قالغان زەھەرلىك ۋە كېرەكسىز ماددىلار، ئادەمنىڭ ساغلاملىقىغا قارىتا ئىنتايىن پايدىسىز؛ شۇنىڭ ئۈچۈن، مىتابولىزىم نوقتىسىدىن ئېلىپ ئېيتقاندا، ئەتىگىنى چوڭ تەرەت قىلىش، ئاخشىمى چوڭ تەرەت قىلغاندىن ياخشى، چۈنكى ئەتىگىنى چىقىرىدىغىنىمىز، ئالدىنقى كۈنىدىكى كېرەكسىز ماددىلار بولىدۇ. ئەگەر ئەتىگىنى ئورنىمىزدىن تۇرغاندا، چوڭ تەرەت قىستىمىسا، بىر ئىستاكان ئىلمان قايناقسۇ ئىچىپ بەرسەك، چوڭ تەرەتنى ئىلگىرى سۈرۈشكە پايدىلىق بولىدۇ.