كۈندىلىك تۇرمۇشىمىزدا، نۇرغۇنلىغان قوللىنىشچان چارە ئاماللار بار بولۇپ، كۆزگە كۆرۈنمەيدىغان كىچىك بىر نەرسىلەرنىڭمۇ زور پايدىلىق روللىرى بار بولۇشى مۇمكىن. بۈگۈن كۆپچىلىكنىڭ دىققىتىگە، تۇرمۇشتىكى ئەمىلىي ئىشلىتىلىشچانلىقى يۇقىرى بولغان نەچچە تۈرلۈك قوللىنىشچان چارىلەرنى تۇنۇشتۇرۇپ ئۆتىمىز.
   1. بەزىدە، ياغاچ پولنىڭ ئۈستىدە ماڭساق، پودىن غىچىرلىغان ئاۋازلار چىقىدىغان بولۇپ قالىدۇ ھەمدە ئۆيدىكى ئارام ئېلىۋاتقانلارنىڭ ئارام ئېلىشىغا تەسىر يەتكۈزۈپ قويىدۇ. بۇ ئەھۋالغا قارىتا، بىز پەقەت ياغاچ پولنىڭ ئارىلىقلىرىغا ئازراق بالىلار ئۇپىسى سېپىۋەتسەك، ئۇپا سىلىقلاشتۇرۇش رولىنى ئويناپ، پولنىڭ غىچىرلايدىغان ئاۋازىنى يوقاتقىلى بولىدۇ.

   2. يىڭى زىننەتلىگەن ئۆيدە، ھەمىشە بىر خىل سىر پۇرىقى بار بولۇپ، ئۇزۇنغىچە يوقىماي ساقلىنىپ قالىدۇ؛ بۇ خىل سىر پۇرىقىنىڭ ئادەم بەدىنىگە بەلگىلىك زىيىنى بار بولغاچقا، ئادەم بۇنداق مۇھىتتا ئۇزۇن ۋاقىت تۇرسا بولمايدۇ. ئۇنداقتا، بۇنداق پۇراقنى قانداق قىلىپ تىزراق يوقاتقىلى بولىدۇ؟ بۇنىڭدا، بىز پەقەت چىنىدىن بىرنىڭغا ئاچچىقسۇ قۇيۇپ، سىر پۇرىقى بار بولغان ئۆيگە قويۇپ قويساق، ئارىدىن ئىككى ئۈچ كۈن ئۆتكەندىن كىيىن، ئۆيدىكى سىرنىڭ غەلىتە پۇراقلىرى پاكىزە يوقايدۇ.

   3. پادىچىلار ئىشتىنى ياكى باشقا پادىچىلار كىيىمى، ھازىر ھەممە ئادەمدە كەم قالمايدىغان بىر خىل مودا سەپلىمىگە ئايلىنىپ قالدى؛ بىراق، پادىچىلار رەختى، رەڭگى ئاسانلا ئۆڭۈپ كىتىدىغان بىر خىل رەخت ماتىريالىدۇر. ئۇنداقتا بۇنىڭ ئالدىنى قانداق ئېلىش كىرەك؟ پادىچىلار كىيىمىنى بىرىنچى قېتىم يۇيۇشتىن ئاۋال، ئۇنى قۇيۇق تۇز سۈيىگە چىلاپ قويساق بولىدۇ؛ بىراق، بۇ چىلاش ۋاقتى ئاز دىگەندىمۇ 12سائەت بولۇشى كېرەك، شۇڭا، ئەڭ ياخشىسى پادىچىلار كىيىمىنى سېتىۋىلىپ كەلگەندىن كىيىنلا، ھېچقانداق يۇيۇش سۇيۇقلۇقى قوشۇلمىغان تۇز سۈيىگە چىلاپ قويۇپ، چىلاپ بولغاندىن كىيىن سۇدا چايقىۋەتسەك، تېخىمۇ قولايلىقراق بولىدۇ ھەمدە پادىچىلار كىيىمىنىڭ رەڭگىنىڭ ئۆڭۈپ كىتىشىدىن ساقلانغىلى بولىدۇ.

   4. ياز ۋە كۈز كۈنلىرىدە، پاشا-چىۋىن ۋە قۇرت-قوڭغۇزلاردىن ساقلانغىلى بولمايدۇ. ئادەتتە، كىيىم يۇغاندىكى سوپۇن سۈيىنى تەخسىدىن بىرگە قۇيۇپ، پاشا-چىۋىن كۆپرەك جايغا قويۇپ قويساق، ئىككىنچى كۈنى نۇرغۇنلىغان پاشا-چىۋىنلەرنىڭ سوپۇن سۈيى يۈزىدە لەيلەپ قالغانلىقىنى بايقايسىز.