پىدىگەننىڭ تەييارلاش ئۇسۇللىرى ئىنتايىن كۆپ، ئەمما بۈگۈنكى بۇ خىل تەييارلاش ئۇسۇلىنى سىز چوقۇم سىناپ باقمىغان. بۈگۈن كۆپچىلىكنىڭ دىققىتىگە، باشقىچە بىر خىل پىدىگەن تۇخۇم توقىچى تەييارلاش ئۇسۇلىنى تۇنۇشتۇرۇپ ئۆتىمىز؛ بۇ تائامنى تەييارلاش ئۇسۇلى ئاددى، ئۇزۇقلۇق قىممىتى يوقىرى، چوقۇم چوڭ-كىچىك ھەممەيلەنگە تېتىيدۇ.

كىتەرلىك ماتىريال
   پىدىگەن، پىياز، تۇخۇم، سەۋزە، غولپىياز
خۇرۇچ ماتىريالى
   تۇز، ئاقمۇچ، ئۇن
 

 

   پىدىگەننى يۇيۇپ پاكىزلىغاندىن كىيىن، ئىككى-ئۈچ سانتىمىتىر قېلىنلىقتا توغراپ، ئوتتۇرسىنى ئويۇپ ئېلىۋالىمىز؛

   ئويۇپ ئېلىۋالغان قىسىمنى ئۇششاق قىيما قىلىپ توغرايمىز؛
 

   قىيما قىلغان پىدىگەننى چوڭراق بىر چىنىگە سېلىپ، ئۈستىگە ئوخشاشلا ئۇششاق قىيما قىلىپ توغرالغان سەۋزە، پىياز ۋە غولپىيازلارنى قوشقاندىن كىيىن، ئۈستىگە يەنە تۇخۇمدىن ئىككىنى چاقىمىز، ئاخىرىدا بىر قوشۇق تۇز، بىر قوشۇق ئاقمۇچ، 10گىرام ئۇن قوشقاندىن كىيىن ماتىرياللارنى تەكشى ئارىلاشتۇرىمىز؛
 

   ئاستى تۈز قازانغا ماي قۇيۇپ قىزىتىپ، ئوتتۇرىنى ئويۇپ ئېلىۋەتكەن پىدىگەن چەمبىرىكىنى قازانغا سېلىپ، ئوتتۇرلىقىغا ئارىلاشتۇرۇپ تەييارلىغان قىيمىنى توشقۇزىمىز؛

   ئىككى يۈزى سارغىيىپ پىشقىچىلىك داغلىساق تەييار بولىدۇ.