بىلەيزۈك تاقاش
   سىز ئەگەر، كىچىكرەك ھەمدە ئىلاستىكىلىقى يوق بىلەيزۈك تاقىماقچى بولسىڭىز، ئۇنداقتا قولىڭىزغا مەجبۇرى كىرگۈزىمەن دىسىڭىز بولمايدۇ؛ بۇنداق ئەھۋالدا، قولىڭىزغا سۇلياۋ خالتىدىن بىرنى كېيگۈزگەندىن كىيىن سىناپ باقسىڭىز، بىلەيزۈكنى ئاسانلا قولىڭىزغا سالالايسىز ھەمدە قوللىرىڭىزنىمۇ ئاغرىتىپ قويمايسىز.

كۆكتاتلار ئارىسىدىكى قۇرتلارنى تازىلاپ چىقىرۋىتىش
   يىشىل كۆكتاتلارنى يۇغان ۋاقىتتا، سۇغا ئازراق تۇز قوشۇۋەتسىڭىز، كۆكتاتلار ئارىسىغا يۇشۇرنىۋالغان قۇرتلارنىڭ ھەممىنى پاكىزە تازىلاپ چىقىرۋەتكىلى بولىدۇ.
گۈلنى قۇرۇتماي ساقلاش
   تاپشۇرۋالغان سوۋغاتلىق گۈلنى، لوڭقىدىكى سۇغا سېلىپ قويغاندىن كىيىن، لوڭقىغا نەچچە تېمىتىم قاچا يۇيۇش سۇيۇقلۇقى تېمىتىپ قويسىڭىز، بۇنىڭدا گۈل نەچچە كۈنگىچە قۇرۇپ كەتمەي يىڭى پېتى تۇرىدۇ.

پادىچىلار ئىشتىنى
   پادىچىلار ئىشتىنىنى ھەمىشە يۇيۇش ھاجەتسىز، بولمىغاندا ئاسانلا رەڭگى ئۆڭۈپ شەكلى ئۆزگىرىپ كىتىدۇ؛ ئەگەر پادىچىلار ئىشتىنىدا غەلىتە پۇراق پەيدا بولۇپ قالغان بولسا، ئېغىزى ھىم ئىتىلىدىغان سۇلياۋ خالتىغا سېلىپ ئېغىزىنى چىڭ ئەتكەندىن كىيىن، توڭلاتقۇنىڭ سۇغۇق ساقلاش ئىشكابىغا سېلىپ ساقلىساق، غەلىتە پۇراقنى يوقاتقىلى بولىدۇ.
قولغا ياققان خېنىنى تىز سۈرئەتتە قۇرۇتۇش
   قولىڭىزغا لاك خېنە يېقىپ بولغاندىن كىيىن، بارماقلىرىڭىزنى مۇزلۇق سۇغا بىر ئىككى مىنۇت چىلاپ ئالسىڭىز، بۇ ۋاقىتتا تىرنىقىڭىزغا ياققان خېنە قۇرۇپ بولغان بولىدۇ.

سۈۋەرەك قوغلاش
   يىڭى تەرخەمەكنى يىمەكلىك ئىشكاۋىغا سېلىپ قويساق، سۈۋەرەك يىمەكلىك ئىشكاۋىدىن يېراقلىشىدۇ؛ ئۆي ئىچىگە  بىر تەخسە توغرالغان پىيازنى قويۇپ قويسىڭىز، سۈۋەرەك پىيازنىڭ پۇرىقىنى پۇرىغاندىن كىيىن دەرھال قېچىپ كىتىدۇ.
پوپايكا ياقىسىنىڭ ئىلاستىكىلىقىنى ئەسلىگە ئەكىلىش
   پوپايكىنىڭ ياقىسى ياكى يەڭ ئېغىزى ئىلاستىكىلىقىنى يوقىتىپ سوزىلىپ كەتكەن بولسا، ياقا قىسىمنى ياكى يەڭ ئېغىزىنى ئىسسىق سۇغا 20مىنۇت چىلاپ قويغاندىن كىيىن ئېلىپ قۇرۇتساق، ئىلاستىكىلىقى ئەسلىگە كىلىدۇ.