يېقىندا، باربىي قونچىقىنىڭ تەۋرەنمەس مەستانىسى بولغان بۇلغارىيەلىك بىر قىز، ئۆزىنىڭ دۇنيا بويىچە ئەڭ قېلىن كالپۇكقا ئىگە بولۇشنى ئۈمىد قىلىدىغانلىقىنى بىلدۈرگەن؛ ئەمىلىيەتتە، ھازىر ئۇنىڭ كالپۇكلىرى، ئەسلىدىكىنىڭ ئۈچ ھەسسىسىگە توغرا كىلىدۇ.

   ئەنگىلىيە "قۇياش" گىزىتىنىڭ 20-سىنتەبىردىكى خەۋرىگە ئاساسلانغاندا، بۇ قىز بۇ يىل 22ياشقا كىرگەن بولۇپ، ئىسمى ئاندىرىي.ئىۋانوۋا ئىكەن؛ بۇ قىز بولغارىيەلىك بولۇپ، ھازىر سوفىيا داشۆسىدە نىمىس تىلى كەسپىدە ئوقۇۋاتقان ئىكەن.

   ئاندىرىي.ئىۋانوۋانىڭ دىيىشىچە، ئۇ 15 قېتىملىق پىلازما كسىلاتاسىنى كالپۇكىغا كىرگۈزۈش ئوپراتسىيەسىنى باشتىن كەچۈرگەندىن كىيىن، ئۇ تېخىمۇ بەك خۇشاللىق ھىس قىلغان ۋە قانائەتلەنگەن. ئۇنىڭ بىلدۈرۈشىچە، ئۇ ھازىرقى كالپۇكىنى تېخىمۇ بەكرەك ياخشى كۆرىدىغان بولۇپ، ئۇنىڭ قارىشىچە، كالپۇكى قانچە چوڭ بولسا شۇنچە چىرايلىق كۆرىنىدىكەن.

   ئاندىرىي.ئىۋانوۋانىڭ بىلدۈرىشىچە، كالپۇكىنى ھازىرقى ھالەتكە ئەكىلىش ئۈچۈن، ئۇ ئاساسى جەھەتتىن بۇلغارىيە پايتەختى سوفىيادىكى بارلىق ھۆسىن تۈزەش ئورۇنلىرىنىڭ ھەممىسىگە بېرىپ باققان ھەمدە كالپۇكىغا توشقۇزۇشقا بولىدىغان دورىلارنىڭ ئاساسى جەھەتتىن ھەممىنى ئىشلىتىپ باققان.

   بۇ قىز ئۆتكەن يىلدىن باشلاپ ئۆزىنى ئۆزگەرتىشكە باشلىغان بولۇپ، ھازىر ئىجتىمائى ئالاقە تور سەھنىسىدە، 15مىڭدىن ئارتۇق مەستانىگە ئىرىشكەن؛ ئۇ ھەمىشە بۇ ئىجتىمائى ئالاقە تور سەھنىسىدە ئۆزىنىڭ رەسىملىرىنى چىقىرىش ئارقىلىق گۈزەللىكىنى كۆز-كۆز قىلىدىغان بولۇپ، بۇ سەۋەپلىك، ئۇ دۇنيانىڭ ھەرقايسى جايلىرىدىن كەلگەن مەستانىلىرىنىڭ قوللىشى ۋە ماختىشىغا ئىرىشپلا قالماي، يەنە بەزىبىر ئۇنىڭ قۇتۇپلاشقان سىرتقى كۆرۈنىشىگە بولغان تەنقىد خارەكتىرىكى مەزمۇنلارنىمۇ تاپشۇرۋالغان.