ھازىرقى زامان تۇرمۇش رېتىمى بارغانسىرى تىزلىشىپ، كىشىلەرنىڭ روھى بېسىمى بارغانسىرى ئېشىپ بېرىۋاتقان بولغاچقا، ئاز بولمىغان كىشىلەر كىچىسى ئۇيقۇسى قېچىشنىڭ دەردىنى تارتماقتا. بۈگۈن كۆپچىلىككە تۇنۇشتۇرماقچى بولغان يىمەكلىك، "تەبىئى ئۇيقۇ دورىسى" دەپ نام ئالغان نىلوپەر ئۇرۇقى بولۇپ، تەركىبىدە ۋىيتامىنلار ۋە مىكرو ئىلمىنتلار مول؛ بۇ سەۋەپلىك، كۈندە ئازراقتىن نىلوپەر ئۇرۇقى ئىستىمال قىلىپ بەرگەندە، ئۇيقۇنى ياخشىلاپ ئۇيقۇ سۈپىتىنى يۇقىرى كۆتۈرۈش بىلەن بىرگە، جىددى كەيپىياتنى ئۈنۈملۈك ھالدا تەڭشەپ، خىزمەت ۋە تۇرمۇش بېسىمىنى پەسەيتىش، مىڭىنى تىنچلاندۇرۇش قاتارلىق ئۈنۈملەرنى كۆرسىتىدۇ. نىلوپەر ئۇرۇقىنى قانداق ئىستىمال قىلىشقا كەلسەك، ئەڭ ئاددى بولغان ئۇسۇل، ئاق قېرىنقولاق نىلوپەر ئۇرۇقى ئۇيۇتمىسى قاينىتىپ ئىچىشتۇر.

   كىتەرلىك ماتىريال: ئاق قېرىنقولاق، ئالقات، نىلوپەر ئۇرۇقى، ناۋات
تەييارلاش ئۇسۇلى
   1. نىلوپەر ئۇرۇقى بىلەن ئالقاتنى يۇيۇپ پاكىزلىغاندىن كىيىن، سۇغا بىر سائەت چىلاپ قويىمىز.

   2. ئاق قېرىنقولاقنى يۇيۇپ پاكىزلىغاندىن كىيىن قولىمىزدا تىتىپ، ئىشلىتىش ئۈچۈن تەييار قىلىپ قويىمىز.

   3. ئاق قېرىنقولاق، نىلوپەر ئۇرۇقى ۋە ئالقات قاتارلىقلارنى قازانغا سېلىپ، يىتەرلىك تۈردە سۇ قۇيىمىز.

   4. چوڭ ئوتتا قازاننى قايناتقاندىن كىيىن، تۇۋاقنى يېپىپ كىچىك ئوتقا ئالماشتۇرۇپ، بىر سائەت قاينىتىمىز.

   5. ۋاقىت توشقاندىن كىيىن ناۋاتنى سېلىپ، ناۋات پۈتۈنلەي ئىرىپ بولغان ۋاقىتتا ئوتنى ئۆچۈرسەك بولىدۇ.

   6. بۇ ۋاقىتتا بوتقىنى چىنىگە ئۇسۇپ ئالساقلا ئىستىمال قىلىشقا بولىدۇ.