قان ئازلىق تىلغا ئېلىنسا، كۆپ قىسىم كىشىلەرنىڭ ئىسىگە بىرىنچى بولۇپ ئاياللار كىلىشى مۇمكىن؛ بىراق، قان ئازلىق ئاياللارغىلا خاس ئەمەس، ئەرلەردىمۇ قان ئازلىق كۆرىلىدۇ. ئادەمدە قان ئازلىق كۆرۈلگەن ۋاقىتتا، چىرايى سارغىيىپ ياكى ئاقىرىپ قالىدۇ، بەزىدە ھەتتا باش ئاغرىش، باش قېيىش، ئاسان كىسەل بولۇپ قېلىش قاتارلىق ئەھۋاللار كۆرىلىدۇ. ئۇنداقتا، قان ئاز كىشىلەر قانداق يىمەكلىكلەرنى يىگەندە، قان تۇلۇقلاش ئۈنۈمىگە ئىرىشەلەيدۇ.

چىلان ۋە ئالقات قوشۇپ قاينىتىلغان تۇخۇم
   ئالدى بىلەن تۇخۇمدىن ئىككىنى سۇدا پىشۇرۋالغاندىن كىيىن، تۇخۇمنى سويۇپ قايتىدىن قازانغا سېلىپ، 20گىرام ئالقات ۋە 10تال چىلان بىلەن قوشۇپ قاينىتىپ، ھەركۈنى بىر قېتىم ئىچىپ بەرسەك، ماغدۇر ۋە قۇۋۋەت تۇلۇقلاپ ئاشقازان ئۆتنى ساغلاملاشتۇرىدۇ ھەمدە قان ئازلىقنى قوشۇمچە داۋالاش جەھەتتە بەلگىلىك ئۈنۈم كۆرسىتىدۇ.
داڭگۈي قوشۇپ قاينىتىلغان قوي گۆشى شورپىسى
   ئادەتتە، قوي گۆشىدە شورپا سالغاندا، ئازراق داڭگۈي ۋە زەنجىۋىل قوشۇپ قاينىتىپ ئىستىمال قىلساق، بۆرەك ۋە ئۆت ئاجىزلىق سەۋەبىدىن كىلىپ چىققان قان ئازلىققا قارىتا زور پايدىسى بار.

شىكەر قۇمىچى
   شىكەر قۇمۇچىنىڭ تەركىبىدە، سىنىك، تۆمۈر، كالتسى قاتارلىق مىنرالنى ئىلمىنتلار بىرقەدەر يۇقىرى بولۇپ، بەدەننىڭ قان تۇلۇقلاش قان ياساش ئىقتىدارىنى كۈچەيتىش رولى ئىنتايىن چوڭ. بىراق، شىكەر قۇمىچىنىڭ تەبىئىتى سۇغۇق بولغاچقا، ئاشقازان ۋە ئۆت ئاجىز دوستلار ئىمكان قەدەر ئاز ئىستىمال قىلىشى كىرەك.
كاۋا
   جۇڭگۇ تىبابىتىنىڭ قارىشىچە، كاۋا، قان تۇلۇقلاشتىكى ئىسىل يىمەكلىك بولۇپ، قان تۇلۇقلاش قىممىتى ئىنتايىن يۇقىرى ئىكەن. كاۋا تەركىبىدە كاروتىن ۋە سىنىك، تۆمۈر، كوبالت  قاتارلىق مىكرو ئىلمىنتلار مول بولۇپ، بەدەندىكى قىزىل قان شارچىلىرىنىڭ نورمال ھالدا ئايلىنىشىنى ئۈنۈملۈك ئىلگىرى سۈرىدۇ ھەمدە قىزىل قان ھۈجەيرىلىرىنىڭ پىشىپ يىتىلىشىنى ئىلگىرى سۈرىدۇ.