جۇۋاۋا پىشۇرغاندا
   جۇۋاۋا پىشۇرغاندا، سۇنى كۆپرەك قۇيۇپ، سۇ قاينىغاندىن كىيىن ئاۋال ئازراق تۇز قۇشۇپ، تۇز پۈتۈنلەي ئىرىپ بولغاندىن كىيىن ئاندىن جۇۋاۋىنى سۇغا سالساق، سۇ تەركىبىدىكى تۇز جۇۋاۋا خېمىرىنىڭ ئىلاستىكىلىقىنى ئاشۇرۇپ، جۇۋاۋا قازانغا ۋە بىر-بىرىگە چاپلىشىۋالمايدۇ ھەم جۇۋاۋا خېمىرى تىتىلىپ قىيمىسى چىقىپ كەتمەيدۇ، جۇۋاۋىنىڭ رەڭگىمۇ ئاق چىقىدۇ.
توخۇ شورپىسى قايناتقاندا
   توخۇ شورپىسى قايناتقاندا، كۆك كاۋا، موگو دىگەنگە ئوخشاش ماي سۈمۈرىدىغان كۆكتاتلاردىن قوشۇپ بىللە قايناتساق، شورپا ئۇنداق مايلىق چىقىۋالمايدۇ. ئەڭ ياخشىسى ئازراق ئاچچىق بامبۇك نوتىسى قوشساق، شورپا تەركىبىدىكى ماينى تىزلا نىتراللاشتۇرۇپ، شورپا تەملىك چىقىدۇ.

توڭلىتىلغان بېلىقنى ئىرىتىش
   توڭلىتىپ ساقلانغان بېلىقنى توڭلاتقۇدىن ئالغاندىن كىيىن، داس ئىچىگە سېلىپ، ئازراق سۇ قۇيغاندىن كىيىن ئۈستىگە مۇۋاپىق مىقداردا ئاچچىقسۇ قوشۇۋەتسەك، بېلىق بەش مىنۇتقا قالماي ئىرىپ بولىدۇ.
سامساق پۇرىقىنى يوقىتىش
   تاماق ئەتكەندە، سامساق زەنجىۋىل دىگەندەك پۇرىقى ۋە تەمى كۈچلۈك خۇرۇچ ماتىرياللىرىنى ئىشلىتىمىز؛ بۇ خىل پۇراقلار كۆپىنچە ۋاقىتلاردا قولىمىزغا سىڭىپ قېلىپ، ئادەتتىكى قول يۇيۇش سۇيۇقلۇقى ئىشلىتىپمۇ يوقىتالمايمىز. بۇ ۋاقىتتا، قولىمىزغا ئازراق چىش پاستىسى سۇۋاپ يۇساق، چىش پاستىسى قولىمىزدىكى غەلىتە پۇراقلارنى تىز سۈرئەتتە يوقىتىدۇ.
قازاندىكى ماي چاچراپ چىقىشتىن ساقلىنىش
   ئادەتتە تاماق قىلغاندا، بولۇپمۇ يىمەكلىكلەرنى مايدا داغلىغاندا، ماي قىزىپ كەتكەندىن كىيىن چاچراپ تىشىپ چىقىدىغان بولۇپ، ئادەمنىڭ يۈز-قوللىرىنى كۆيدۈرۈپلا قالماي، بەزىدە ھەتتا ئوت ئاپىتى كەلتۈرۈپ چىقىرىشى مۇمكىن. ئەمىلىيەتتە، قازاندىكى مايغا نەچچە تال كاۋاۋاىچىن تاشلىۋەتسەك، بۇ خىل ئەھۋالنىڭ كۆرۈلىشىدىن ساقلانغىلى بولىدۇ.

يىشىل چاي بىلەن زاراڭزىنىڭ رولى
   يىشىل چايدىن 10گىرام، زاراڭزىدىن 5گىرام تەييارلاپ، ئىككىسىنى قوشۇپ چاي دەملەپ ئەتىگىنى ئىچىپ بەرسەك ھەمدە يېرىم ئاي داۋاملاشتۇرساق، سۈيدۈك كىسلاتاسى يۇقىرى بىمارلارغا قارىتا ياخشىلاش ئۈنۈمى كۆرسىتىدۇ.
كۆزگە كىرىپ كەتكەن نەرسىنى چىقىرۋىتىش
   كۆزىمىزگە غەلىتە نەرسىلەر كىرىۋالغان بولسا، باش بارمىقىمىز بىلەن كۆرسەتكۈچ بارمىقىمىزدا كۆز قاپىقىمىزنى ئازراق كۆتۈرۈپ ئېچىپ، بېشىمىزنى سەل تۆۋە قىلىپ كۈچەپ نەچچىنى ھۆتەلسەك، كۆزىمىزگە كىرىپ كەتكەن نەرسە چىقىپ كىتىدۇ.