نۆۋەتتە، دۆلىتىمىزدىكى قەنت سىيىش كىسەللىكى بىمارلىرى 100مىليۇندىن ئېشىپ كەتكەن بولۇپ، بۇ سەۋەپلىك سىز ئەتراپىڭىزدا قەنت سىيىش كىسەللىكى بىمارلىرىنىڭ بارغانسىرى كۆپىيىپ كىتىۋاتقانلىقىنى بايقىشىڭىز مۇمكىن. قەنت سىيىش كىسەللىكى، بىمارغا ھاياتىنىڭ ئاخىرىغىچە "ھەمرا" بولىدىغان بىر خىل كىسەللىك بولۇپ، بىمار پەقەت دورا ئىچىش ياكى ئىنسۇلىننى ئۇكۇل قىلىپ ئۇرۇش ئارقىلىق قاننىڭ قەنت مىقدارىنى كونتىرول قىلالايدۇ، پۈتۈنلەي داۋالاپ ساقايتقىلى بولمايدۇ.
   تېخىمۇ يامان بولغىنى، بۇ خىل كىسەللىكنى كىسەللىك كۆرۈلگەن دەسلەپكى مەزگىلدە بايقىغىلى بولمايدۇ؛ كۆپىنچە ئەھۋاللاردا، بىمارنىڭ قان قەنت مىقدارى ئۆرلەپ كىتىپ بەزىبىر ئەگەشمە كىسەللىكلەر كۆرۈلگەن ۋاقىتتا ئاندىن بايقىلىدۇ. ئادەتتە كۈندىلىك تۇرمۇشتا، ئەگەر سىزدە تۆۋەندىكى بەش خىل ئالامەت كۆرۈلسە، ئۇنداقتا ھۇشيارلىقىڭىزنى ئۆستۈرۈشىڭىز كىرەك؛ چۈنكى بۇ ئالامەتلەر، قەنت سىيىش كىسەللىكى بىلەن مۇناسىۋەتلىك بولۇشى مۇمكىن.

كۆرۈش قۇۋۋىتى خىرەلىشىش
   كۆپ قىسىم قەنت سىيىش كىسەللىكى بىمارلىرىنىڭ كۆرۈش قۇۋۋىتىدە مەسىلە كۆرىلىدىغان بولۇپ، بۇ ئەھۋال، قاننىڭ قەنت مىقدارى بەك يۇقىرىلاپ كىتىپ، نىرۋا سېستىمىسىدا كىسەللىك ئۆزگىرىشى پەيدا قىلغانلىقتىن بولىدۇ؛ بۇندىن باشقا كۆزدىكى نىرىپلارمۇ زەخمىگە ئۇچراپ، كۆرۈش قۇۋۋىتى تۆۋەنلەپ كىتىش ئەھۋالى كۆرىلىدۇ. ئەگەر ۋاقتىدا داۋالانمىسا، كۆرۈش قۇۋۋىتىگە قايتۇرۋالغىلى بولمايدىغان زىيانلىق تەسىر ئېلىپ كىتىپ، كۆز كۆرمەس بولۇپ قېلىشى مۇمكىن.
جاراھەت ئېغىزى ئاسان ساقايماسلىق
   ئەگەر قاننىڭ قەنت مىقدارى بەك يۇقىرى ئۆرلەپ كەتسە، ئىندودىرما ھۈجەيرىلىرىنىڭ (ئاساسلىق جاراھەت ئېغىزىنىڭ ساقىيىشىنى ئىلگىرى سۈرۈش رولى بار) سانىنىڭ كېمىيپ كىتىشىنى كەلتۈرۈپ چىقىرىپ، جاراھەت ئېغىزىنىڭ ساقىيىشىنى ئاستىلىتىۋىتىدۇ.

كىچىك تەرەت قېتىم سانى كۆپىيىش
   بەدەندە يېغىلىپ قالىدىغان قەنت مىقدارىنىڭ كۆپىيىشىگە ئەگىشىپ،قاننىڭ قەنت مىقدارىمۇ يۇقىرىلايدۇ؛ بۇنداق ئەھۋالدا، بۆرەك بۇ ئارتۇق قەنت تەركىبلىرىنى ئىمكان قەدەر تىز سۈرئەتتە بەدەن سىرتىغا سىنتىزلاپ چىقىرىش ئۈچۈن، زور مىقداردا سۈيدۈك شەكىللەندۈرىدۇ. شۇڭا قەنت سىيىش كىسەللىكى بىمارلىرىنىڭ كىچىك تەرەت قېتىم سانى كۆپىيىپ كىتىدۇ.
ئادەتتىكى قارىغاندا تېخىمۇ بەك ئۇسساش
   قاننىڭ قەنت مىقدارى ئېشىپ كەتكەندە، بۆرەك شارچىلىرى شاللاپ ئۆتكۈزگەن گىلوكوزا مىقدارى، بۆرەك كىچىك كانىلىنىڭ گىلوكوزىنى سۈمۈرۈش ئىقتىدارىدىن ئېشىپ كىتىپ، زور مىقداردىكى گىلوكوزىنىڭ سۈيدەكتە پارچىلىنىپ كىتىشىنى كەلتۈرۈپ چىقىرىدۇ ھەمدە بۇنىڭ بىلەن بىرگە زور مىقداردىكى سۇ تەركىبلىرىنى بىرگە خورىتىۋىتىدۇ. شۇڭلاشقا، قەنت سىيىش كىسەللىكى بىمارلىرىدا، ئادەتتىكىگە قارىغاندا تېخىمۇ بەكرەك ئۇسساش ئەھۋالى كۆرىلىدۇ.