بېلىق گۆشىنىڭ ئۇزۇقلۇق قىممىتى يۇقىرى بولۇپ، ئۇنىڭ تەركىبىدىكى ئامىنو  كىسلاتا، ئاقسىل، كالتسىي قاتارلىق ئۇزۇقلۇق ماددىلار، ئادەم بەدىنىگە تېخىمۇ ئاسان سۈمۈرىلىدۇ؛ بۇ سەۋەپلىك، نۇرغۇن كىشىلەر بېلىق گۆشىنى بارغانسىرى ياقتۇرۇپ ئىستىمال قىلىدىغان بولدى. بىراق، بېلىق يىگەن ۋاقىتتا، بەزىدە بېلىقنىڭ قىلتىرىقى گالغا تۈرۈپ قېلىپ، بىزگە بەلگىلىك دەرىجىدە بىئاراملىق ئېلىپ كىلىدۇ.
   ئۇنداقتا ئەگەر گالغا بېلىق قىلتىرىقى تۈرۈپ قالسا قانداق قىلىش كىرەك؟ ئادەتتە كۆپىنچە كىشىلەر ئاچچىقسۇ ئىچىش ياكى نان چايناپ يۇتۇشنى تاللايدۇ. ئەمىلىيەتتە يەنە بىر خىل ئۇسۇل بار بولۇپ، ئۇ بولسىمۇ ئازراق غولپىياز ۋە ئاق شىكەر تەييارلاپ، غولپىيازنى بۇرنىمىزغا تىقىپ تۇرۇپ ئاق شىكەرنى ئاستاغىنا ئېغىزىمىزغا سېلىپ يۇتساق، تۈرۈپ قالغان قىلتىرىق ئاستا-ئاستا ئاشقازانغا قاراپ چۈشۈپ كىتىدۇ.

   گالغا بېلىق قىلتىرىقى تۈرۈپ قالسا قانداق قىلىشنى كۆرۈپ بولدۇق، ئەمدى كۆپچىلىك بىلەن بىرگە، قىزارتىپ پىشۇرۇلغان بېلىق تەييارلاش ئۇسۇلىنى كۆرۈپ باقايلى!
 

كىتەرلىك ماتىريال: بېلىق، خاسىڭ مېيى، تۇز، مۇچ قىيامى، غولپىياز، سامساق، زەنجىۋىل
تەييارلاش ئۇسۇلى
   1. بېلىقنى تازىلاپ يۇيۇپ پاكىزلىغاندىن كىيىن، ئىككى تەرىپىنى پىچاقتا نەچچىنى تىلىپ قويىمىز.

   2. بېلىقنىڭ ئىككى يۈزى ۋە ئىچىگە تۇز سۇۋاپ، بېلىقنى تۇزلايمىز.

   3. قازاننى ئېسىپ، ماي قۇيۇپ قىزىتقاندىن كىيىن، ئۇششاق توغرالغان زەنجىۋىل بىلەن سامساقنى سېلىپ تەم چىقىرىمىز.

   4. بېلىقنى قازانغا سالىمىز.

   5. بېلىقنى ئىككى تەرىپى سارغايغىچىلىك داغلايمىز.

   6. قازانغا قىزىلمۇچ قىيامى ۋە مۇۋاپىق مىقداردا سۇ قۇيۇپ، تۇۋاقنى يېپىپ قاينىتىپ دۈملەيمىز.