نەچچە قېتىملىق يامغۇر يېغىش بىلەن، تۇمۇزنىڭ ئاخىرىقى قالدۇقلىرى پۈتۈنلەي يۇيۇلۇپ، ھاۋا كۆرۈنەرلىك دەرىجىدە سۇۋۇشقا باشلىدى. بۇ مەزگىلدە، كىشىلەر ياز كۈنى ئىچىشنى خالىمىغان شورپىلارنى قاينىتىپ ئىچىشنى باشلايدۇ.

   شورپا قاينىتىشقا كەلسەك، ئەنئەنىۋى تائام رىسالىمىزدە، كالا گۆشى شورپىسى، قوي گۆشى شورپىسى بىرقەدەر كۆپ ئۇچرايدۇ؛ بۇندىن باشقا، بەزىبىر ئەقىللىق كىشىلەر، كەپتەر گۆشىدە شورپا قاينىتىپ ئىچىشنى تاللايدۇ. چۈنكى، كەپتەرنىڭ ھەقىقەتەنمۇ ئۆزگىچە بولغان ئۇزۇقلۇق تەركىبلىرى بار.
   بۈگۈن كۆپچىلىكنىڭ دىققىتىگە، تۇرۇپ قوشۇپ قاينىتىلغان كەپتەر گۆشى شورپىسى تۇنۇشتۇرىمىز؛ ھازىرقى كۈزنىڭ كۈنىدە بۇ خىل شورپىنى كۆپرەك ئىستىمال قىلساق، قان ۋە قۇۋۋەت تۇلۇقلاش بىلەن بىرگە، قۇرغاق كۈز كۈنلىرىدە بەدەنگە سۇ تۇلۇقلاش ئۈنۈمىنىمۇ كۆرسىتىدۇ.

   بىز ئالدى بىلەن، كەپتەر گۆشى بىلەن توخۇ گۆشىنىڭ ئۇزۇقلۇق تەركىبىنى سېلىشتۇرۇپ باقايلى!
   ھەر 100گىرام توخۇ گۆشى تەركىبىدە 16.8گىرام ياغ، 20.3گىرام ئاقسىل، 256كىلو كالورىيە ئىنىرگىيە بار. بۇندىن باشقا يەنە مىنرالنى ئىلمىنتلاردىن، 1.2مىللىگىرام تۆمۈر، 2مىللىگىرام كالتسىي بار.

   ھەر 100گىرام كەپتەر گۆشىدە بولسا، 14گىرام ياغ، 16.5گىرام ئاقسىل، 201كىلو كالورىيە ئىنىرگىيە بار؛ بۇندىن باشقا يەنە، 3.8مىللىگىرام تۆمۈر، 30مىللىگىرام كالتسىي ۋە كالىي، ماگنىي قاتارلىق مىكرو ئىلمىنتلار بار.
   ئۇزۇقلۇق تەركىبىنى سېلىشتۇرغاندا، گەرچە كەپتەر گۆشى تەركىبىدىكى ياغ بىلەن ئاقسىلنىڭ مىقدارى، توخۇ گۆشىگە قارىغاندا ئازراق بولسىمۇ، ئەمما تۆمۈر مىقدارى توخۇ گۆشىنىڭ 3ھەسسىسىگە، كالتسىي مىقدارى توخۇ گۆشىنىڭ 15ھەسسىسىگە توغرا كىلىدىغان بولۇپ، كالتسىي ۋە تۆمۈر تۇلۇقلاش ئۈنۈمى تېخىمۇ ياخشى.

   بۇندىن باشقا، كەپتەر گۆشى تەركىبىدە تارماق زەنجىرلىك ئامىنو كىسلاتاسى نىسبەتەن كۆپ بولۇپ، بەدەندىكى ئاقسىللارنىڭ بىرىكىشىنى ئىلگىرى سۈرىدۇ؛ ئۇنىڭ ئۈستىگە ياغ تەركىبى يۇقىرى بولمىغاچقا، بەدەندىكى جاراھەت ئېغىزىنىڭ ساقىيىتىشىنى تىزلىتىش رولىنى ئوينايدۇ.
   ئەنئەنىۋى جۇڭگۇ تىبابىتىنىڭ قارىشىچە، كەپتەر گۆشى شورپىسىنىڭ جىگەر ۋە بۆرەكنى قۇۋۋەتلەش، قان ۋە ماغدۇر تۇلۇقلاش، ئىسسىق يەلنى ھەيدەپ زەھەر قايتۇرۇش رولى بار.
   كۈز پەسلىدە كەپتەر گۆشىدە شورپا قاينىتىشتا، بەزىبىر چىلان، ئالقات، موگو قاتارلىقلارنى قوشۇپ قاينىتىشتىن باشقا، ئەڭ ئاددى بولغان ئۇسۇل، يىڭى ئاق تۇرۇپ قوشۇپ بىرگە ئىستىمال قىلىشتۇر.

   كۈز كۈنلىرىدە، ھاۋا نىسبەتەن قۇرغاق بولغاچقا، ئادەمدە بۇرۇن، كاناي قىچىشىش، تىرە قىچىشىش قاتارلىق ئەھۋاللار كۆپرەك كۆرىلىدۇ؛ بۇنداق ئەھۋالدا، سۇ تەركىبى ۋە ۋىيتامىن Cتەركىبى يۇقىرى بولغان تۇرۇپ ئىستىمال قىلىش، بۇ ئالامەتلەرنى ياخشىلاشنىڭ ئۇسۇللىرىنىڭ بىرى بولۇپ ھىسابلىنىدۇ.
   يىمەكلىك جەھەتتىن ئېلىپ ئېيتقاندا، تۇرۇپ، كۆپ خىل يىمەكلىكلەر بىلەن قوشۇپ ئىستىمال قىلىشقا ماس كىلىدىغان كۆكتات بولۇپ، بىۋاستە ئىستىمال قىلىشقا ۋە شەربەت سىقىپ ئىچىشكىمۇ بولىدۇ. كەپتەر بىلەن تۇرۇپنى بىرگە قوشۇپ شورپا قايناتقاندا، تۇرۇپ كەپتەرگۆشىدىن چىققان مايلارنى سۈمۈرۈپ، شورپىنىڭ تەمى تېخىمۇ تەملىك بولىدۇ.