ئانا بىلەن بالىنىڭ قەلبىنىڭ تۇتاش بولىدىغانلىقىغا ھەممە ئادەم ئىشىنىدۇ؛ چۈنكى، بالا ئانىسىنىڭ قوسىقىدىكى ۋاقتىدا، ئانا بالىسىنىڭ ھەربىر ھالىتىنى ھىس قىلىپ يىتەلەيدۇ.
   جاڭ رەن يېقىندا مۇنداق بىر كەچمىشنى باشتىن ئۆتكۈزۈپ، ئانا بىلەن بالىنىڭ قەلبىنىڭ ھەقىقەتەن تۇتاش بولىدىغانلىقىغا ئۈزۈل-كىسىل ئىشەنگەن. جاڭ رەن ئىرى بىلەن توي قىلىپ بىر يىلدىن كىيىن، مۇۋەپپىقىيەتلىل ھالدا ھامىلدار بولغان بولۇپ، ھامىلدارلىق مەزگىلىمۇ ناھايىتى ئوڭۇشلۇق ئۆتكەن. بىراق، ھامىلدارلىق ئاخىرقى مەزگىلىگە كەلگەندە، ئۇدا نەچچە كۈن ياخشى ئۇخلىيالمىغان ھەمدە بىر كۈنى كەچتە قولىقىغا تۇيۇقسىزلا قوسىقىدىكى بالىسىنىڭ يىغلىغان ئاۋازى ئاڭلانغان.

   جاڭ رەن بوۋاققا بىرەر ئىش بولغان ئوخشايدۇ دەپ ئويلاپ، ئىرىنى ئويغىتىپ دەرھال دوختۇرخانىغا بارغان؛ دەسلىۋىدە ئىرى جاڭ رەننىڭ سۆزلىرىگە ئىشەنمەي، قوساقتىكى بالا قانداقمۇ يىغلىسۇن دەپ ئويلىغان. بىراق نەتىجىدە، دوختۇرخانىغا بېرىپ تەكشۈرتكەندىن كىيىن، قوساقتىكى بالىنىڭ كىندىك بېغىنىڭ بوينىغا يۆگىلىپ، بوۋاققا ئېغىر دەرىجىدە ئوكسىگىن يىتىشمەي قالغانلىقى بايقالغان. دوختۇرلار دەرھال ئوپراتسىيە قىلىپ، ئوڭۇشلۇق ھالدا مۇددەتتىن بۇرۇن بالىنى تۇغدۇرغان. كىيىن جاڭ رەن ئۆزىنىڭ بىرىنچى ۋاقىتتا دوختۇرخانىغا كىلىپ توغرا قىلغانلىقىنى ھىس قىلغان، ئىرىمۇ بۇ ئىشتىن ئىنتايىن ھەيران قالغان.

   كىيىنچە، دوختۇرلار ئۇلارغا، ئەمىلىيەتتە ھامىلدارنىڭ قوسىقىدىكى بالىنىڭمۇ يىغلايدىغانلىقىنى ئېيتقان؛ مەسىلەن، كىندىك بېغى بويۇننى يۆگىۋىلىش، باش سۈيى دۇغا بولۇپ كىتىش، ياكى بوۋاقنىڭ ئۆزى بىئاراملىق ھىس قىلىش قاتارلىق ئەھۋاللار كۆرۈلسە، يىغلاپ ئانىسىدىن قۇتقۇزۇشنى تەلەپ قىلىدىكەن، ئەمما پەقەت ئانىسىلا بۇنى ھىس قىلالايدىكەن.