ئۈزۈم، ئۇزۇقلۇق تەركىبى ئىنتايىن مول بولغان بىر خىل مىۋە؛ ئۈزۈمنىڭ تەركىبىنىڭ %60تىن يۇقىرىسى ئەركىن سۇ ۋە كوللوئىد سۇ بولۇپ، بۇندىن باشقا يەنە كاربون سۇ بىرىكمىلىرى، گىلوكوزا، ئامىنو كىسلاتاسى ۋە كۆپ خىل ۋىيتامىنلار بار.

   ئۈزۈمنىڭ تەركىبىدىكى زور مىقداردىكى ۋىيتامىنلارنىڭ ۋە ئادەم بەدىنىگە زۈرۈر بولغان ئامىنو كىسلاتالىرىنىڭ نىرۋا ئاجىزلىشىشنى ۋە زىيادە چارچاشنى ياخشىلاش رولى بار بولۇپ، شۇنداق دىيىشكە بولىدۇكى، ئۈزۈمنىڭ ئادەمنىڭ ساغلاملىقىغا نىسبەتەن پايدىسى زور؛ بىراق، بۇنىڭ بىلەن بىر ۋاقىتتا، ئۈزۈم ئىستىمال قىلىشتا دىققەت قىلىشقا تىگىشلىك ئىشلارمۇ ئاز ئەمەس. مەسىلەن، ئۈزۈم ئىستىمال قىلىپ بولغاندىن كىيىن، كەينىگە ئۇلاپلا تۆۋەندىكى ئۈچ خىل يىمەكلىكنى ئىستىمال قىلىشقا بولمايدۇ، بولمىغاندا ساغلاملىققا بەلگىلىك تەسىر يەتكۈزىدۇ.

دېڭىز مەھسۇلاتلىرى
   ئۈزۈم، تاننىك كىسلاتا تەركىبى بىرقەدەر يۇقىرى بولغان مىۋە بولۇپ، دېڭىز مەھسۇلاتلىرى تەركىبىدە بولسا ئاقسىل ۋە كالتسىي قاتارلىق ماددىلار مول؛ شۇڭا بۇ ئىككى خىل يىمەكلىك ئۆز-ئارا ئۇچراشقاندا، ئادەمدە ئاسانلا كۆڭۈل ئاينىپ قۇسۇش، ئىچى سۈرۈش، قوساق كۆپۈش قاتارلىق ئەھۋاللارنى كەلتۈرۈپ چىقىرىدۇ.

ئاق تۇرۇپ
   ئاق تۇرۇپنى ھەم پىشۇرۇپ ھەم خام پېتى ئىستىمال قىلىغىلى بولىدۇ؛ بۇنىڭ بىلەن بىرگە، ئاق تۇرۇپنى دائىم ئىستىمال قىلىپ بەرگەندە، ئۈچەي يوللىرىنىڭ ھەزىم قىلىشى ياخشى بولماسلىق ئالامەتلىرىنى ياخشىلايدۇ. بىراق، ئۈزۈم بىلەن ئاق تۇرۇپنى بىرگە ئىستىمال قىلىشقا بولمايدۇ؛ ئەگەر ئاق تۇرۇپ بىلەن ئۈزۈم بىرگە ئىستىمال قىلىنسا ياكى ئىككىسىنىڭ ئىستىمال قىلىش ۋاقىت ئارىلىقى بەك يېقىن بولۇپ قالسا، ئاشقازان ئۈچەي يوللىرىنىڭ بۇ ئىككى خىل يىمەكلىكلەرنى ھەزىم قىلىش جەريانىدا بىر خىل ماددا شەكىللىنىدىغان بولۇپ، بۇ خىل ماددا قالقانسىمان بەز ئىقتىدارىنى توسقۇنلۇققا ئۇچرىتىدۇ.

كالا سۈتى
   ئۈزۈم تەركىبىدە ئالما كىسلاتاسى، لىمون كىسلاتاسى قاتارلىق مىۋە كىسلاتالىرى بار؛ كالا سۈتىنىڭ بولسا ئاقسىل تەركىبى مول. بىراق، مىۋە كىسلاتاسى بىلەن ئاقسىل ئۆز-ئارا رىئاكسىيەلىشىدىغان بولۇپ، ئاقسىلنىڭ قېتىشىۋىلىشىنى كەلتۈرۈپ چىقىرىدۇ.