بۈگۈن سۆزلەپ ئۆتمەكچى بولغان بۇ كىشىنىڭ ئىسمى سىتورت.رىد بولۇپ، ئەنگىلىيە لوندون شەھرىدىن، بۇ يىل 44ياش. ئادەتتىكى كىشىلەرنىڭ نەزىرىدە، ئۇ بىر "چوڭ ئەرلىك ئىدىيسى" كۈچلۈك ئادەم ھىسابلىنىدىغان بولۇپ، ئۆيىدە ھېچقانداق ئىش قىلمايدۇ، ھەممە ئىشنى قىز دوستى قىلىدۇ...بىراق، بۇنداق بولۇشنىڭ سەۋەبى بار، ئۇ بىر قول مودىلى.

   ئۇنىڭ ئۆزىنىڭ گېپى بويىچە ئېيتقاندا، ئۇنىڭ قوللىرى مۇكەممەل قول ھىسابلىنىدىغان بولۇپ، ئالقىنى بىلەن بارماقلىرىنىڭ ئۇزۇنلۇق نىسبىتى، ئېلان سودىگەرلىرى ئۇچراتقان ئەڭ ياخشىسى... بۇ سەۋەپلىك، ئۇ بۇ قوللىرىنى ئاسراش ئۈچۈن، ئەسەبىيلىشىش دەرىجىسىگە يېقىنلىشىپ قالغان.

   ئۇ ھەركۈنى نەچچە سائەت ۋاقىت سەرپ قىلىپ قولىغا ئاسراش قىلىدۇ؛ ھەركۈنى ئەتىگەن ئورنىدىن تۇرغاندىن كىيىن، ئۇنىڭ قىلىدىغان بىرىنچى ئىشى، قوللىرىغا ئۈرۈك مېغىزى مېيى سۇۋاش، كەچتە ئۇخلاشنىڭ ئالدىدىمۇ ھەم شۇنداق. ئۇ ھەرخىل ھەرياڭزا قول ئاسراش مەھسۇلاتلىرىنى ۋە ئاسراش ئۈسكۈنىلىرىنى سېتىۋالغان بولۇپ، سىرتقا چىققاندا، قوللىرىغا ئاساسى جەھەتتىن پەلەي كىيىۋالىدۇ.

   ئۆي ئىشلىرىنى قىلىش ئەمەس، ئۇنىڭغا بىرەر لامپۇچكا ئالماشتۇرغۇزۇشمۇ مۇمكىن ئەمەس! ئۇ قولىنى مۇشۇنداق، جېنىدىنمۇ بەكرەك ئاۋايلايدۇ. چۈنكى، ئۇ بۇ بىر جۈپ قولىغا تايىنىپ ھەر سائىتىگە 2000يۈەندىن (خەلق پۇلى)، كۈنىگە ئاز دىگەندە ئون مىڭ يۈەن پۇل تاپىدۇ. ئۇ بۇنىڭغا تايىنىپ، لوندىن ئۆي سېتىۋالغان؛ ھازىر بولسا، قىز دوستىنى قولتۇقلاپ دۇنيانى چۆگىلەپ ساياھەت قىلىدۇ.

   شۇڭا ئۇ قوللىرىنى ئىنتايىن دىققەت قىلىپ ئاسرىشى كىرەك؛ ئەگەر قوللىرى ئازراق زەخمىلىنىپ بەرسە ياكى كۆكىرىپ قالسا، ئۇ نەچچە ھەپتە ئىشتىن توختاپ قالىدۇ.

   ئۇنىڭ بۇ كەسىپكە قەدەم قويۇشىغا كەلسەك، ئۇ ئالى مەكتەپنى ئەمدى پۈتتۈرگەن ۋاقىتتا، مودىل شىركىتى قولى ئۇزۇن چىرايلىق بىر مودىل ئىزەۋاتقان بولۇپ، ئۇ بېرىپ تىزىملاتقان بولۇپ، ئويلىمىغان يەردىن تاللاشتىن ئۆتۈپ كەتكەن. شۇندىن باشلاپ، ئۇ بۇ ساھەگە قەدەم قويغان.

   ھەرقېتىم ئېلان سۈرەتكە ئالىدىغان ۋاقىتتا، ئۇنىڭ يۈزىنى يۇغان يۇمىغانلىقى ياكى قانداق كىيىنىپ ياسانغانلىقى بىلەن ھېچكىمنىڭ كارى بولمايدۇ؛چۈنكى، بارلىق خىزمەتچىلەرنىڭ دىققىتى ئۇنىڭ قولىغىلا مەركەزلەشكەن بولىدۇ. مەخسۇس ئۇنىڭ قوللىرىغا ئاسراش ئېلىپ بارىدىغان بىر كەسپى كوللىكتىپ بار بولۇپ، ئۇنىڭ تىرناقلىرىنى ياسايدۇ، قوللىرىنىڭ تىرىسىنى سىلىقلاشتۇرىدۇ، قوللىرىنى ئۇۋۇلاپ سۈت جەۋھىرى سۇۋايدۇ ھەمدە بۇ ئارقىلىق ئۇنىڭ قولىنىڭ ئېكراندا مۇكەممەل ھالەتتە كۆرۈنىشىگە كاپالەتلىك قىلىدۇ.

   ئادەتتە قول مودىللىرىنىڭ كەسپى ھاياتى 10-5يىل ئارىلىغىدا داۋاملىشىدۇ؛ بىراق، بۇ ئاغىنىمىز ھەرخىل ئاسراشلارنى ياخشى ئېلىپ بارغانلىقتىن، بۇ كەسىپ بىلەن شۇغۇللانغىلى 20يىل بولغان بولسىمۇ، قوللىرىنىڭ ھالىتى يەنىلا ياخشى ساقلىنىپ قالغان ھەمدە بۇ سەۋەپلىك كەسپى ھاياتىنى يەنە داۋاملاشتۇرۇش پۇرسىتىگە ئىرىشەلىگەن. ئەگەر سىز ئەنگىلىيەگە ساياھەتكە بارغىنىڭىزدا، گىزىت-ژورنال، تېلىۋىزىيە ئېلانلىرى دىگەنلەرنى كۆرسىڭىز، چوقۇم ئۇنىڭ قولىنى ئۇچرىتالايسىز.