بېلىق، مىھماندارچىلىق ئۈستىلىدىكى كەم قالمايدىغان يىمەكلىكنىڭ بىرى بولۇپلا قالماي، نۇرغۇن ئائىلىلەردىمۇ بېلىقنى ياقتۇرۇپ ئىستىمال قىلىدۇ. بېلىقنىڭ تەييارلاش ئۇسۇللىرى كۆپ، ھەربىر خىل ئۇسۇلنىڭ ئۆزگىچە ئالاھىدىلىكى ۋە تەمى بار؛ ئەمما ياشلارغا نىسبەتەن، ئۇلارنىڭ ياقتۇرۇپ يەيدىغىنى، يەنىلا مايدا داغلانغان بېلىقتۇر. بىراق، بەزىدە بېلىق داغلاش جەريانىدا قازانغا چاپلىشىۋالىدىغان ئەھۋال كۆرىلىدۇ. ئەمىلىيەتتە، بېلىق داغلىغاندا، قازانغا مايلا قۇيساق بولمايدۇ، يەنە بىر خىل ماتىريال قوشقان ۋاقىتتا، بېلىق گۆشى يۇمران ھەم تەملىك داغلىنىپلا قالماي، يەنە قازانغا چاپلىشىۋىلىشنىڭ ئالدىنى ئېلىشقا بولىدۇ؛ بۇ خىل ماتىريال، ئاق شىكەردۇر.

   ئادەتتە، بېلىق داغلاشتىن بۇرۇن، ئاۋال بېلىقنى بىتەرەپ قىلىشقا توغرا كىلىدۇ. بۇ جەرياندا، بېلىقنىڭ ئىچى تېشىنى پاكىزە يۇيۇپ تازىلاپ، غەلىتە پۇراق ۋە تەمنى يوقىتىش ئۈچۈن، بېلىقنى تۇزلايمىز.

   كەينىدىن، تۇزلانغان بېلىقنىڭ سۈيىنى ساقىتىۋىتىپ، داغلاشقا تۇتۇش قىلىمىز. بۇ ۋاقىتتا، ئاۋال بېلىق تىرىسىگە ئازراق ئاچچىقسۇ سۈركەيمىز ھەمدە قازان ئازراق ئاق شىكەر سالىمىز؛ بۇ ئىككى ئىشنى تاماملىغاندىن كىيىن، قازانغا ماي قۇيۇپ، بېلىقنى داغلاشنى باشلىساق بولىدۇ. بۇ خىل ئۇسۇلدا داغلانغان بېلىقنىڭ تىرىسى بۇزۇلۇپ كەتمەي بىرقەدەر پۈتۈن چىقىدۇ، ھەمدە قازانغىمۇ چاپلىشىۋالمايدۇ.

   ئۇنداقتا، ئاق شىكەرنىڭ نىمىشقا بۇنداق رولى بار بولىدۇ؟ چۈنكى، ئاق شىكەر، ماي تىمپىراتۇرسىنىڭ بېلىققا تەسىر كۆرسىتىش سۈرئىتىنى ئاستىلىتىدۇ؛ مۇنداقچە ئېيتقاندا، شىكەر قوشۇلغان ماي، بېلىقنىڭ ئىچكى قىسمىغا ئۇنداق تىز سىڭىشىپ كىرەلمەيدۇ. بۇ سەۋەپلىك، بېلىقنى مۇۋەپپىقىيەتلىك ھالدا داغلاپ پىشۇرغىلى بولۇپلا قالماي، يەنە ئۇنىڭ تەمىنىڭ ياخشى ۋە گۆشىنى يۇمران بولۇشىغا، ھەمدە رەڭگىنىڭمۇ ئىشتىھانى قوزغىغۇدەك دەرىجىدە چىرايلىق چىقىشىغا كاپالەتلىك قىلغىلى بولىدۇ.