ئۆزىنىڭ بەدىنىگە قارىتا، ھەممە ئادەم چوقۇم تۇلۇق چۈشىنىمەن دەيدۇ؛ بىراق بەدىنىمىزدە مەسىلە كۆرۈلگەن ۋاقىتتا، كۆپ قىسىملىرىمىز نىمە قىلارىمىزنى بىلەلمەي قالىمىز. ئەمىلىيەتتە كۈندىلىك تۇرمۇشتا، بىز بەدىنىمىزگە مۇناسىۋەتلىك بەزىبىر ساۋاتلارنى بىلىۋىلىشىمىز كىرەك.

بويۇننى تولغاش ئارقىلىق قولنىڭ سىقىرىشىنى ياخشىلىغىلى بولىدۇ
   بەزىدە، ئۇيقۇ سۈپىتىمىز ياخشى بولماسلىق ياكى ئۇخلاش  قىياپىتىمىز توغرا بولماسلىق سەۋەبىدىن، ئىككى قولىمىز سىقىراپ قالىدۇ؛ بۇ گەرچە چوڭ مەسىلە بولمىسىمۇ، ئەمما ئادەمنى بىردەم بىئارام قىلىدۇ. ئۇنداقتا بۇنداق ئەھۋال كۆرۈلگەندە قانداق قىلىش كىرەك؟ ئەمىلىيەتتە، ناھايىتى ئاددى؛ قولىنىڭ سىقىراپ قېلىشى، بويۇن قىسىم بېسىلىشقا ئۇچراپ قان ئايلىنىش راۋان بولالمىغانلىق سەۋەبىدىن كىلىپ چىقىدۇ. شۇڭلاشقا، بۇنداق ئەھۋالدا بويۇننى تولغاپ مىدىرلىتىپ بەرسەك، بويۇن قىسىمدىكى قان ئايلىنىشنى راۋانلاشتۇرۇپ، قولنىڭ سىقىرىشىنى ياخشىلىغىلى بولىدۇ.

قولاقنى ئۇۋۇلاش ئارقىلىق گال قىچىشىشنى ياخشىلاش
   گال قىچىشىش ھەمىشە ئادەمنى بىئارام قىلىپ قويىدۇ؛ بولۇپمۇ بەزىبىر مۇھىم سورۇنلاردا، ئادەمنى ئوسال ئەھۋالغا چۈشۈرۈپ قويۇپ، ھەرقانچە سۇ ئىچىپ بەرسەكمۇ ئۈنمى كۆرۈلمەيدۇ. ئەمىلىيەتتە، گال قىچىشىشىنى كاناي مۇسكۇللىرىنىڭ تارتىشىشى كەلتۈرۈپ چىقارغان بولۇپ، بۇنىڭ ئەڭ ياخشى بىتەرەپ قىلىش ئۇسۇلى قولاقنى ئۇۋۇلاپ بىرىشتۇر؛ بۇنىڭدا، نىرىپلارنى غىدىقلاپ كاناي قىسىم مۇسكۇللارنى بوشاشتۇرۇشقا بولىدۇ ھەمدە مۇسكۇللارنىڭ تارتىشىشى ياخشىلىنىدۇ.

قاش ئوتتۇرسىنى ئۇۋۇلاش ئارقىلىق بۇرۇن پۈتۈشنى ياخشىلاش
   بۇرۇن پۈتۈپ قېلىشنى نۇرغۇن دورىلار ياخشىلىيالايدۇ، بىراق دورا يوق ئەھۋال ئاستىدا قانداق قىلىش كىرەك؟ ئۇسۇل ناھايىتى ئاددى؛ بارمىقىمىزدا قېشىمىزنىڭ ئوتتۇرسىنى بېسىپ تۇرۇپ، تىلىمىزنى يۇقىرى تامغاققا تەككۈزۈپ 20سىكونت تۇرساق، بۇرۇن پۈتۈش ئوڭشىلىدۇ.

باش بارماقنى بېسىش ئارقىلىق كۆڭۈل ئاينىشنى ياخشىلاش
   كۆڭۈل ئاينىپ قۇسۇشنى پەيدا قىلىدىغان ئامىللار كۆپ؛ بىلىشىمىز كىرەككى، قۇسۇش، ئادەم بەدىنىدىكى غەيرى ماددىلار سەۋەبىدىن نەپەسلىنەلمەي قېلىشنىڭ ئالدىنى ئېلىش ئۈچۈن قۇرۇلغان تۇغۇلما ئىقتىدار بولۇپ، ئادەم بەدىنىگە قارىتا قوغداش رولىنى ئوينايدۇ. بىراق، كۆڭۈل ئېلىشىپ قۇسۇش ئادەمنى بىئارام قىلىدۇ؛ بۇنداق ئەھۋالدا، دورا ئىشلىتىشتىن باشقا ئۇسۇللار ئارقىلىق كۆڭۈل ئاينىپ قۇسۇشنى ياخشىلاشقا بولامدۇ؟ جاۋابى، بولىدۇ. كۆڭۈل ئاينىپ قۇسۇش كۆرۈلگەندە، سول قولىمىزنى، باش بارمىقىمىزنى قالغان تۆت بارماق ئىچىگە باسقان ھالەتتە مۇشتىمىزنى تۈگسەك، نىرىۋىلارنى غىدىقلاپ، كۆڭۈل ئاينىش ئىنكاسىنى يوقىتىشقا بولىدۇ.