دۆلەتلىك خەلق ئىشلار ئىدارىسىنىڭ ئەڭ يېقىنقى سىتاستىكىسىدا كۆرسىتىلىشىچە، دۆلىتىمىزدىكى ئاجرىشىش نىسبىتى ئۇدا 14يىل ئۆزلۈكسىز يۇقىرى ئۆرلەپ كەلگەن بولۇپ، 2018-يىللىق ئاجرىشىش تەكشۈرۈشىدە، %50.16 ئاجراشقان ئەر-خوتۇنلار، ھەممىسىدە ئۈچىنچى شەخىس سوقۇنۇپ كىرگەنلىك سەۋەبىدىن توي تۇرمۇشىنىڭ بۇزۇلۇشىنى كەلتۈرۈپ چىقارغان ئىكەن. بۇنىڭدىن كۆرىۋىلىشقا بولىدۇكى، توي تۇرمۇشى ئىچىدە تالاغا قاراش، ھازىرقى زامان جۇڭگۇ ئائىلىلىرىنىڭ ئىناقلىقىغا تەسىر يەتكۈزىدىغان ئەڭ مۇھىم ئامىل بولۇپ قالغان.

   توي تۇرمۇشى ئىچىدە تالاغا قارىغان ئادەمنى ئەپۇ قىلىش كىرەكمۇ ئەمەس؟ بەزى كىشىلەر، ئائىلىسىنىڭ پۈتۈنلۈكى ئۈچۈن، داۋاملىق چىداپ ئۆتۈپ كىتىشنى تاللايدۇ؛ بەزىلەر بالىسى ئۈچۈن داۋاملىق چىداپ ئۆتۈپ كىتىشنى تاللايدۇ؛ يەنە بەزىلەر بولسا، ئەنئەنىۋى قاراشنىڭ تەسىرىدە داۋاملىق چىداپ ئۆتۈپ كىتىشنى تاللايدۇ.

   مەيلى ئەر تەرەپ تالاغا قارىغان بولسۇن ياكى ئايال تەرەپ تالاغا قارىغان بولسۇن، ھەرگىز ئەپۇ قىلىشقا بولمايدۇ. چۈنكى بۇ، ئەر-خوتۇنلار ئوتتۇرسىدىكى پىرىنسىپلىق مەسىلە. ئەر، ئايال ھەر ئىككى تەرەپ مۇھەببەتكە بولغان ۋەدىسىنى ساقلاپ ئۆتىشى كىرەك بولۇپ، مۇھەببەتكە ئاسىيلىق قىلىش بولسا نۇمۇس قىلىشقا تىگىشلىك پەسكەش قىلمىش، ھېچقانداق ئىش ئۇنىڭغا باھانە سەۋەپ بولالمايدۇ.

   توي تۇرمۇشىدا ساداقەت يوقىسا، ئۇنداقتا ھەممە ئۆزگىرىپ كىتىدۇ. تالاغا قارىغان ئادەم، خۇددى ھاجەتخانىغا چۈشۈپ كەتكەن پۇلغا ئوخشايدىغان بولۇپ، تىرىۋالاي دىسەك كۆڭلىمىز ئېلىشىدۇ. ئەگەر توي تۇرمۇشىدا تالاغا قاراش كۆرۈلسە، توي تۇرمۇشىنىڭ سۈپىتى ئۆزگىرىپ، قايسى ۋاقىتتا سېسىپ چىقىشى، پەقەت ۋاقىت مەسىلىسى بولۇپ قالىدۇ.