28ياشلىق كىندال.ماكدونالد، يىڭى زىللاندىيەنىڭ دىمالۇدىن بولۇپ، ھازىر ئۇ بەش بالىغا ئانا بولدى: تۆت ياشلىق چوڭ ئوغلى ۋە ئۇنىڭ تۆتكىزەك ئىنىلىرى. بەش  بالىسى ھازىر، ئۇنى ئۆيدە قەتئى زىرىكتۈرمەيدۇ.

   تىلغا ئېلىپ ئۆتۈشكە ئەرزىيدىغىنى، كىندال ئون نەچچە ياش ۋاقتىدا، كۆپ خالتىلىق تۇخۇمدان ۋە بالىياتقۇ ئىچكى پەردىسى غەلىتە ئورۇنلىشىپ قېلىش كىسەللىكىگە گىرىپتار بولغان دەپ دىئاگونوز قويۇلغان؛ بىراق، ئۇنىڭ بۇ بەش بالىسىنىڭ ھەممىسى تەبىئى ھامىلدار بولۇپ تۇغقان بالىلار، ھازىر تۆتكىزەك بوۋاقمۇ بىر ياشقا كىرگەن تۇغۇلغان كۈنىنى ئۆتكۈزۈپ بولدى.

   كۆپ خالتىلىق تۇخۇمدان ئونۋىرسال كىسەللىكى(PCOS)، تۇغۇت يېشىدىكى ئاياللاردا كۆپ ئۇچرايدىغان ھەم مۇرەككەپ كەلگەن، ئىچكى ئاجرالما ۋە مىتابولىزىمنىڭ بىنورماللىشىشى كەلتۈرۈپ چىقارغان بىر خىل كىسەللىك بولۇپ، ئاستا خارەكتىرلىك تۇخۇم ئىشلەپ چىقارماسلىق(تۇخۇم ئىشلەپچىقىرىش ئىقتىدارى قالايمىقانلىشىش ياكى پۈتۈنلەي يوقىلىش) ۋە يۇقىرى ئەرلىك ھورمۇنلۇق قان كىسىلىنى(ئاياللارنىڭ بەدىنىدىكى ئەرلىك ھورمۇنى زىيادە ئېشىپ كىتىش) ئالاھىدىلىك قىلغان؛ بۇ كىسەللىكنىڭ ئاساسلىق كىلىنكىلىق ئىپادىسى، ھەيىز مەزگىلى قانۇنىيەتسىز بولۇش، تۇغماسلىق، تۈك-مويلار كۆپىيىپ كىتىش ياكى دانىخورەك كۆپ چىقىش قاتارلىقلار بولۇپ، ئاياللاردا ئەڭ كۆپ ئۇچرايدىغان ئىچكى ئاجرالما كىسەللىكىدۇر.

   كۆپ خالتىلىق تۇخۇمدان ئونۋىرسال كىسەللىكى(PCOS)، كۆپىنچە جەمەت توپى ئىچىدە مەركەزلىشىپ كۆرۈلۈش ھادىسىسىنى ئىپادىلەيدىغان بولۇپ، ئىرسىيە ئامىلىنىڭ تەسىرى بارلىقى ھەققىدە كۆرسەتمە بىرىدۇ. ئادەتتە، بىمارنىڭ ئوخشاشلا ھەيىز دەۋرى قانۇنىيەتسىز بولغان ئانىسى ياكى بالدۇرلا چېچى چۈشۈپ پەينەك بولۇپ قالغان دادىسى بار بولىدۇ؛ چېچى بالدۇر چۈشۈپ پەينەك بولۇپ قېلىش، PCOSنىڭ ئەرلەردىكى ئىپادىسى بولۇپ، ئاياللاردىكى PCOSبىلەن ئەرلەردىكى چېچى بالدۇر چۈشۈپ كىتىش، ئوخشاش بىر ئورۇندىكى گېن تەرپىدىن بەلگىلىنىدىغان بولۇشى مۇمكىن. يۇقىرى ئەرلىك ھورمۇنلۇق قان كىسىلى ۋە يۇقىرى ئىنسۇلىنلىق قان كىسىلى بولسا، كۆپ خالتىلىق تۇخۇمدان ئونۋىرسال كىسەللىكى بىمارلىرىنىڭ ئائىلە ئەزالىرىنىڭ ئوخشاش كىسەللىككە گىرىپتار بولۇپ قالغانلىقىدىكى ئىرسىيە ئالاھىدىلىكى بولۇشى مۇمكىن. ئوخشاش بولمىغان دىئاگونوز قويۇش ئۆلچىمى ئاستىدا ئېلىپ بېرىلغان ئائىلە ئەزالىرى ئانالىز تەتقىقاتىدا كۆرسىتىلىشىچە، PCOSنىڭ ئىرسىيەت قېلىش ئۇسۇلى، دائىملىق خروموسوم ئاشكارە تىپتىكى ئىرسىيەت قېلىش بولىدىكەن؛ ئەمما يەنە بىر خىل تەتقىقاتتا كۆرسىتىلىشىچە، PCOS كىسىلى، ئاساسى گېننىڭ ئۆزگىرىشىدىن كىلىپ چىقىدىكەن ھەمدە كىيىنكى ئەۋلادىغا ئىرسىيەت قېلىش نىسبىتى %50گە يىتىدىكەن.