گۈرۈچ، كۈندىلىك تۇرمۇشىمىزدىكى كەم بولسا بولمايدىغان يىمەكلىك ماتىريالىنىڭ بىرى؛ بىز گۈرۈچتىن ھەرخىل تائاملارنى تەييارلاپ ئىستىمال قىلىمىز. بىراق، گۈرۈچنىڭ يەنە باشقا رولىمۇ بار بولۇپ، تۆۋەندە كۆپچىلىكنىڭ دىققىتىگە، گۈرۈچنىڭ تۇرمۇشتىكى باش ئىشلىتىلىش ئۇسۇللىرىنى تۇنۇشتۇرۇپ ئۆتىمىز.

گۈرۈچتە تۇخۇم ساقلاش
   بىز تۇخۇمنىڭ چوڭ بېشىنى ئۈستىگە، كىچىك بېشىنى ئاستىغا قارىتىپ گۈرۈچنىڭ ئارىسىغا پاتۇرۇپ قويساق، تۇخۇم شاكىلىدىكى مىكرو يېرىقچىلارنى ئۈنۈملۈك ھالدا توسۇپ، باكتىرىيە ۋىرۇسلارنىڭ تۇخۇمنىڭ ئىچىگە كىرىۋىلىشىنىڭ ئالدىنى ئېلىشقا بولىدۇ؛ ئەگەر ئۇنى شامال ئۆتىشىدىغان قۇرغاق جايغا قويۇپ قويساق، بۇ ئۇسۇلدا ساقلانغان تۇخۇم، يېرىم يىلغىچىمۇ بۇزۇلۇپ قالمايدۇ.

داتلىشىپ قېلىشنىڭ ئالدىنى ئېلىش
   قايچىنى ئىشلەتكەنسىرى خوراش كۆرىلىدۇ؛ ئۇنىڭ ئۈستىگە، سۇغا تىگىپ قالغاندىن كىيىن ئاسانلا داتلىشىپ قالىدۇ. ئەگەر بىز قايچىنى گۈرۈچنىڭ ئارىسىغا تىقىپ قويساق، گۈرۈچ، قايچا بىلەن ھاۋانىڭ ئۇچرىشىشىنى توسۇپ، قايچىنىڭ داتلىشىپ قېلىشىنىڭ ئالدىنى ئالىدۇ.

يانفونغا سۇ كىرىپ كەتكەندە جىددى بىتەرەپ قىلىش
   ئەگەر بىزنىڭ يانفونىمىز ئىھتىياتسىزلىقتىن سۇغا چۈشۈپ كەتسە، بىز يانفوننىڭ يۈز قىسمىدىكى سۇنى پاكىزە سۈرتىۋىتىپ، يانفوننى گۈرۈچنىڭ ئارىسىغا تىقىپ بىر ئاخشام قويۇپ قويساق، يانفوننى نورمال ئىشلەتكىلى بولىدۇ. گۈرۈچ ئىنتايىن قۇرغاق بولۇپ، ئۇ يانفوننىڭ ئىچكى قىسمىدىكى سۇ تەركىبلىرىنى پاكىزە سۈمۈرۋالىدۇ.