ئونۋىرسال چەتئەل تور ئاخباراتلىرىنىڭ خەۋرىگە ئاساسلانغاندا، 33ياشلىق بىر چەتئەللىك ئايال، ئۆزىنىڭ كىيىپ يۇمىغان پايپىقى ۋە تەنھەركەت ئايىغىنى سېتىپ، يىللىق كىرىمىنى 100مىڭ فوندسىتىرلىڭغا(تەخمىنەن 900مىڭ يۈەن خەلق پۇلىغا تەڭ) يەتكۈزگەن. 33ياشلىق بۇ ئايالنىڭ ئىسمى روكىس.ساكىس بولۇپ، ئۇ توردا بىر تور بېتى قۇرۇپ چىقىپ، كىشىلەرنىڭ ئۇنىڭ پۇتىغا قانچىلىك قىزىقىدىغانلىقىنى كۆرۈپ باقماقچى بولغان. ئويلىمىغان يەردىن، ئۇ بىر ئاي ئىچىدە 10مىڭدىن ئارتۇق مەستانىگە ئىگە بولغان بولۇپ، ئۇ ئۆزىنىڭ مەستانىلىرىنىڭ پىكىرىنى ئاڭلاشنى قارار قىلغان.

   كىيىنچە، ئۇ مەستانىلىرىنىڭ ئۆزىنىڭ پۇتىنى ياخشى كۆرىدىغانلىقىنى ئاڭلاپ، بۇ ئايال ئۆزىنىڭ پايپىقى ۋە ئايغىنى ئىجتىمائى ئالاقە تورىدا سېتىشقا باشلىغان؛ ئۇنىڭ قويغان باھاسى ئۇنچە ئەرزان بولمىغان، ھەربىر جۈپ پايپىقىغا 20فوندسىتىرلىڭ، ئايىغىغا 200فوندسىتىرلىڭ باھا قويغان. مۇشۇ تەرىقىدە تۆت يىل تىجارەت قىلغاندىن كىيىن، ئۇنىڭ بىلدۈرۈشىچە، سودىسى ئەڭ ياخشى بولغان ئايلىرى، بىر ئايدا 80مىڭ يۈەن خەلق پۇلى تاپقان.

   روكىسىينىڭ دىيىشىچە، ئۇنىڭ خىزمەتداشلىرى ئۇنىڭغا پۇتىنىڭ ناھايىتى چىرايلىق ئىكەنلىكىنى ئېيتقاندىن كىيىن، ئۇ پۇتىنى ئىجتىمائى ئالاقە تورى ئارقىلىق توردا كۆرگەزمە قىلىشنى قارار قىلغان؛ ئەمما كىيىنچە ئون مىڭدىن ئارتۇق مەستانە توپلىغان ۋە ئىشلەتكەن بۇيۇملىرىنى توردا سېتىپ چىقارغاندىن كىيىن، ئاندىن بۇ جەرياندا پايدىغا ئىرىشلەيدىغانلىقىنى ھىس قىلغان. دەسلىۋىدە، ئۇ توردا چىرايىنى كۆرسەتمەي، پەقەت پۇتىنىلا كۆرگەزمە قىلغان.

   ئۇنىڭ دىيىشىچە، ئۇ ئەڭ ئالدىراش ئۆتكەن ئايلىرىدا، بىر ئايدا 8000فوندسىتىرلىڭدىن ئارتۇق كىرىم قىلغان؛ ئۇنىڭ ئۈستىگە بۇ پۇللارنىڭ ھەممىسىنى كەيگەن پايپىقى ۋە ئاياغلىرىنى سېتىپ تاپقان. دەسلىۋىدە، ئۇنىڭ تىجارىتى ئىجتىمائى ئالاقە تورى بىلەنلا چەكلەنگەن؛ كىيىنچە، ئۇ رىقابەتكە ئەگىشىش ئۈچۈن، تېخىمۇ چوڭراق تەرەققىياتقا ئىرىشىش كىرەكلىكىنى ھىس قىلغان.