مۇھەببەت جەريانىدا، ئىرىشىش ياكى يوقىتىشتىن ئەنسىرەش، كۈنلەش قاتارلىق بۇ خىل تۇيغۇ، پەقەت مۇھەببىتى ئىنتايىن چوڭقۇر بولغان ئەھۋال ئاستىدا ئاندىن بار بولىدۇ. بىر ئەركىشى سىزگە چوڭقۇر مۇھەببەت بېغىشلىغان ۋاقىتدا، ئۇلاردا تۆۋەندىكىلەرگە ئوخشاش بىخەتەرلىك تۇيغۇسى كەملىك ئىپادىسى كۆرىلدىغان بولۇپ، ئۇلارنىڭ بۇ خىل قىلمىشى، ئۇلارنىڭ سىزدىن ئايرىلىپ قېلىشىدىن، كەلگۈسى ھاياتىدا سىزنىڭ بولماي قېلىشىڭىزدىن ئەنسىرگەنلىكىدىن بولىدۇ.

سىزنىڭ باشقا ئەرلەر تەرپىدىن تارتىپ ئېلىپ كىتىلىشىڭىزدىن ئەنسىرەيدۇ
   ئەركىشى سىزگە چوڭقۇر مۇھەببەت باغلىسا، سىزنى يوقىتىپ قويۇشتىن ئەنسىرەپ، باشقا ئەرلەرنىڭ سىزنى تارتىپ ئېلىپ كىتىشىدىن ئەندىشە قىلىدۇ. چۈنكى ئۇلار، سىزيوق بولغان تۇرمۇشقا كۆنەلمەس بولۇپ قالغان. شۇڭا ئۇلاردا بۇ خىل ئايرىلىپ قېلىشتىن ئەنسىرەشتەك تۇيغۇ پەيدا بولۇپ، ھەمىشە ئالدىڭىزدا ئىھتىياتچانلىق بىلەن ئىش كۆرىدۇ، سىزنى ئاچچىقلىتىپ قويۇشتىن قورقىدۇ؛ بۇلارنىڭ ھەممىسى ئۇلارنىڭ سىزنى ناھايىتى بەك ياخشى كۆرگەنلىكىدىن بولۇپ، سىزنىڭ ئەتراپىڭىزدا باشقا مۇنەۋۋەر ئەرلەرمۇ بولغانلىقى ئۈچۈن، ئۇلار سىزنى باشقىلارنىڭ تارتىۋىلىشىدىن ئەنسىرەيدۇ.

سىز ئۇنىڭ ئۇچۇرىنى قايتۇرمىغان ۋاقتىڭىزدا
    سىزگە چوڭقۇر مۇھەببەت باغلىغان ئەركىشى، ھەرۋاقىت سىزنى ئەسلەپ تۇرىدىغان بولۇپ، ھەرقانداق ئەھۋال ئاستىدا سىز بىلەن ئالاقىنى ئۈزۈپ قويمايدۇ؛ جىدەللىشىپ قالغان تەقدىردىمۇ، ئۇلار تەشەببۇسكارلىق بىلەن ئاۋال باش ئىگىپ، خاتالىقىنى تۇنۇيدۇ. ئەگەر سىزنىڭ ئاچچىقىڭىز يانماي ئۇنىڭغا پەرۋا قىلماي قويسىڭىز، ئۇ سىزگە تېلفون قىلىدۇ ياكى ئۇچۇر ئەۋەرتىدۇ؛ بۇ ۋاقىتتا سىز ئۇنىڭغا ئۇچۇر قايتۇرمىسىڭىز، ئۇ جىددىلىشپ، سىزدىن ئايرىلىپ قېلىشتىن  ئەنسىرەپ كىتىدۇ. ئۇلارنىڭ بۇ خىل قىلمىشى، پەقەت كۆڭلىدە سىزگە ئالاھىدە ئىتىبار بىلەن قارايدىغانلىقىنىلا بىلدۈرىدۇ.
ھەرقانداق ئىشتا ئۆز ئالدىغا قارار چىقىرۋالماي، سىز بىلەن مەسلىھەتلىشىپ قىلىدۇ
   سىزنى چوڭقۇر ياخشى كۆرگەن ئەركىشى، سىزدىن ئايرىلىپ قېلىشتىن قورقىدۇ؛ شۇڭا ئۇلار تېخىمۇ ياخشى بولۇپ ئۆزگىرىش ئۈچۈن تىرىشىدۇ. ئۇ سىزنى ھۆرمەت قىلىدۇ، برى ئىشلاردا ئۆزى خالىغانچە قارار چىقىرۋالمايدۇ ياكى مىنىڭ دىگىنىم ھىساپ دەپ تۇرۋالمايدۇ، ئەكسىچە سىز بىلەن مەسلىھەتلىشىپ ئىش كۆرىدۇ. ئۇلار ئۆزىنىڭ بارلىقىنى سەرپ قىلىپ ياخشى كۆرىدۇ.