ماتىريال: پىچەكگۈل، ئالقات، كالا سۈتى، ئاق شىكەر، ھەسەل
   تەييارلاش ئۇسۇلى:
   پىچەكگۈلنىڭ پوستىنى سويىۋىتىپ، بۆلەك ھالىتىدە توغراپ تەخسىگە تىزىمىز؛ مۇۋاپىق مىقداردا سۈت قۇيۇپ، ئۈستىگە ئالقاتنى سېپىۋىتىمىز؛
   قازاندا سۇ قاينىتىپ، سۇ قاينىغاندىن كيىن، پىچەكگۈلنى سېلىپ چوڭ ئوتتا ئون مىنۇت دۈملەيمىز؛ ۋاقىت توشقاندا، پىچەكگۈلنى ئېلىپ، ئۈستىگە ئازراق شىكەر ۋە ھەسەل سېپىۋەتسەكلا بولىدۇ.

   ماتىريال: لۇڭلى بېلىقى، غولپىياز، زەنجىۋىل، تېتىتقۇ ھارىقى، ئىستىمال مېيى
   تەييارلاش ئۇسۇلى:
  لۇڭلى بېلىقىنى تەخسىگە سېلىپ تەبىئى ھالدا ئىرىتكەندىن كىيىن، سۇدا پاكىزە بىر يۇۋىتىمىز. غولپىيازنى ۋە زەنجىۋىلنى قەلەمچە ھالىتىدە توغراپ، تەخسىنىڭ تىگىنى توشقۇزىمىز؛ لۇڭلى بېلىقىنى ئوتتۇردىن پارچىلاپ، غولپىياز ۋە زەنجىۋىل قەلەمچىسى ئۈستىگە ياتقۇزىمىز. كەينىدىن بېلىقنىڭ ئۈستى تەرىپىگە يەنە بىر قەۋەت غولپىياز ۋە زەنجىۋىل قەلەمچىسى تىزىپ چىقىپ، ئۈستىگە ئازراق تېتىتقۇ ھارىقى قۇيىۋىتىمىز؛

    قازانغا سۇ قۇيۇپ، چوڭ ئوتتا قاينىتىمىز. بېلىقنى قازانغا سېلىپ، چوڭ ئوتتا سەككىز مىنۇت دۈملەيمىز، ئوتنى ئۆچۈرۋىتىپ، يەنە ئۈچ مىنۇت دۈملەيمىز. ۋاقىت توشقاندىن كىيىن قازاندىن ئېلىپ، غولپىياز ۋە زەنجىۋىل قەلەمچىلىرىنى ئېلىۋەتكەندىن كىيىن، ئۈستىگە ئازراق شورپا قۇيغاندىن كىيىن، غولپىياز ۋە زەنجىۋىل قەلەمچىسىنى قايتىدىن تىزىپ چىقىمىز.
   قازانغا ماي قۇيۇپ قىزىتقاندىن كىيىن، ماينى بېلىقنىڭ ئۈستىگە قۇيساق، لۇڭلى بېلىقى دۈملىمىسى تەييار بولىدۇ.

   ماتىريال: توخۇ گۆشى، غولپىياز، زەنجىۋىل، تېتىتقۇ ھارىقى، تۇز، جىياڭيۇ، كاۋاۋىچىن سوقمىسى
   تەييارلاش ئۇسۇلى:
  توخۇنى كىچىكرەك توغراپ قاچىغا سالىمىز.