نۇرغۇن كىشىلەر، ئىزچىل تۈردە گۆش يىسە ئاندىن سەمىرىپ كىتىدۇ دەپ قارايدۇ. بىراق ئەمىلىيەتتە، بەزى كۆكتاتلارمۇ ئادەمنى سەمىرتىپ قويىدۇ. تۆۋەندە بىز، ئادەمنى ئاسانلا سەمىرتىپ قويىدىغان تۆت خىل قورىمىنى كۆرۈپ باقايلى.

 دۇفۇ قېقى(腐竹)
   دۇفۇ قېقى، پۇرچاق تۈرىدىكى يىمەكلىكلەرگە تەۋە بولۇپ ئۆزى يۇمشاق، سۇسقىنا دۇفۇ تەمى بار. مەيلى سۇغۇق سەي تەييارلاش بولسۇن ياكى قورۇما قورۇش بولسۇن، نۇرغۇن كىشىلەر دۇفۇ قېقى ئىستىمال قىلىشنى ياخشى كۆرىدۇ. بىراق، دۇفۇ قېقىنىڭ ئىنىرگىيە تەركىبى ئىنتايىن يۇقىرى بولۇپ، ھەتتا مىفەننىڭكىدىنمۇ ئېشىپ چۈشىدۇ. شۇنىڭ ئۈچۈن، ئۇرۇقلىماقچى بولغانلار، ئەڭ ياخشىسى ئېغىزىنى يېغىۋىلىپ، دۇفۇ قېقىنى ئاز ئىستىمال قىلىشى كىرەك.

قۇرۇق قورۇلغان بەسەي(干锅白菜)
   بەسەي، تۇرمۇشىمىزدا ئەڭ كۆپ ئۇچرايدىغان ھەم ئەڭ كۆپ ئىستىمال قىلىدىغان كۆكتاتنىڭ بىرى؛ ئۇنىڭ تەمىمى ياخشى بولۇپ، نۇرغۇن كىشىلەر بەسەي يىيىشنى ياخشى كۆرىدۇ. بەسەينىڭ ئىنىرگىيە تەركىبى گەرچە تۆۋەن بولسىمۇ، ئەمما ئۇنى قۇرۇق قورۇپ، قۇرۇق قازان بەسىيىگە ئايلانغاندىن كىيىن، ئۇنىڭ ئىنىرگىيە تەركىبى يۇقىرىلا كىتىدۇ؛چۈنكى، بەسەينىڭ ياپراقچىلىرىغا، بەزىبىر مايلىق تەركىبلەر يۇشۇرۇنغان بولىدۇ. شۇڭا بۇ خىل بەسەينى كۆپ ئىستىمال قىلساقمۇ، ئوخشاشلا ئاسان سەمىرىپ قالىمىز.

قۇرۇتۇپ قورۇلغان يېسى پۇرچاق(干煸豆角)
   مەيلى ئۆيىمىزدە بولسۇن ياكى ئاشخانىلارغا بارغاندا بولسۇن، نۇرغۇن كىشىلەر بۇ خىل قورۇمىنى ئىستىمال قىلىشقا ئامراق. يېسى پۇرچاق گەرچە كۆكتات تۈرى بولسىمۇ، ئەمما ئۇنىڭ ئىنىرگىيە تەركىبى ئازراقمۇ تۆۋەن ئەمەس؛ ئۇنىڭ ئۈستىگە، يېسى پۇرچاقنىڭ ماي سۈمۈرۈشچانلىقى ئىنتايىن يۇقىرى بولغاچقا، ئۇنى يىگەندە بىر خىل مايلىق تېتىيدۇ. بۇنچە كۆپ مايلىق كۆكتات، ئادەمنى ئەلۋەتتە سەمىرتىپ قويىدۇ.