ئوخشاشلا ئىت يىلىدا تۇغۇلغانلار
    ئەگەر ئەر-خوتۇن ھەر ئىككەيلەن ئىت يىلى تۇغۇلغانلار بولسا، بۇلار راستىنلا تەقدىر قوشقان قوشماقلاردىن بولۇپ ھىسابلىنىدۇ. گەرچە توي قىلىشتىن ئىلگىرى ئۇلارنىڭ خارەكتىرى ئۆزگىچە بولسىمۇ، ئەمما توي قىلغاندىن كىيىن ئۇلار ئۆزلىرىنى تۇتىۋىلىشنى بىلىپ، بىر-بىرى بىلەن تىغمۇ-تىغ تۇرىدىغان ئەھۋاللار كىلىپ چىقمايدۇ. بۇنداق ئەر-خوتۇنلار ئادەمنىڭ ھەۋەسلىنىشىنى قوزغايدىغان بولۇپ، ئۇلار بىر ئۆمۈر ئىجىل-ئىناق ئۆتىدۇ؛ ئۇلارنىڭ بالىسىمۇ ناھايىتى مۇنەۋۋەر چوڭ بولىدىغان بولۇپ، كەلگۈسى ئىستىقبالى پارلاق كىلىدۇ.

چاشقان يىلى تۇغۇلغانلار بىلەن كالا يىلى تۇغۇلغانلار
    ئىت يىلى تۇغۇلغان ئادەم بىلەن كالا يىلى تۇغۇلغان ئادەم توي قىلسا، تويدىن كىيىنكى تۇرمۇشى چوقۇم بەخىتلىك بولىدۇ. چاشقان يىلى تۇغۇلغانلار ئىنچىكە ھەم ئەستايىدىل كىلىدۇ، كىشىلەرگىمۇ ناھايىتى قىزغىنلىق بىلەن مۇئامىلە قىلىدۇ؛ ئۇلارنىڭ ھىسياتىمۇ ناھايىتى مول بولۇپ، ئۆزى ياخشى كۆرىدىغان ئادەمگە قارىتا ناھايىتى كەڭ قوساق ھەم كۈيۈنىدىغان كىلىدۇ. كالا يىلى تۇغۇلغانلار بولسا، يۇۋاش ھەم ساددا كىلىدىغان بولۇپ، چاشقان يىلى تۇغۇلغانلار بىلەن ئەڭ ماسلىشىدۇ. بۇ ئىككى مۆچەلدىكىلەر ئۆز-ئارا توي قىلغاندىن كىيىن، تۇرمۇشىدا گەرچە كىچىك سۈركىلىشلەر كۆرۈلۈپ تۇرسىمۇ، ئەمما بۇ خىل سۈركىلىشلەر ئۇلار ئوتتۇرسىدىكى مۇھەببەتكە قىلچىلىك تەسىر كۆرسەتمەيدۇ، ئەكسىچە ئۇلارنىڭ مۇھەببىتى بارغانسىرى چوڭقۇرلىشىپ ماڭىدۇ.