رەسىمدىكى بۇ ئەرنىڭ ئىسمى جورج بولۇپ، ئامىرىكىلىق؛ ئۇ مۇتەخەسسىسلەرنىڭ بەدەنگە قەنت تەركىبىنى زىيادە ئارتۇق قوبۇل قىلىش سالامەتلىككە زىيانلىق دىگەنلىكىنى ئاڭلىغان. بىراق، بۇنى ئەزەلدىن ھېچكىم سىناق قىلىپ باقمىغاچقا، سالامەتلىككە زادى قانچىلىك دەرىجىدە تەسىر كۆرسىتىدىغانلىقىنى بىلىپ بېقىش ئۈچۈن، جورج شەخسەن ئۆزى بىر قېتىملىق سىناق ئېلىپ بېرىشنى قارار قىلغان. جورج بۇنىڭدا، كولا ئىچىپ سىناق قىلغان.

   تەجىربىنىڭ سانلىق مەلۇماتلىرىنىڭ تېخىمۇ ئېنىق بولۇشى ئۈچۈن، ئۇ تەجىربە قىلىشنى باشلاشتىن بىركۈن بۇرۇن، بەدەن ئېغىرلىقىنى خاتىرلىگەن. بۇ قېتىمدا، ئۇنىڭ بەدەن ئېغىرلىقى 168قاداق، (تەخمىنەن 152.4جىڭ)، بەدەندىكى ماي نىسبىتى %9.4، قان بېسىمى 129/77 چىققان؛ بۇ سانلىق مەلۇماتلاردىن قارىغاندا، ئۇنىڭ ساغلاملىق ئەھۋالى ئىنتايىن ياخشىدەك كۆرۈنەتتى.

   شۇنىڭ بىلەن، ئۇ رەسمى تۈردە تەجىربىسىنى باشلىغان؛ ئۇ ھەركۈنى ئون قۇتا كولا ئىچكەن. بىر ھەپتىدىن كىيىن، ئۇ بەدەن ئېغىرلىقىنى ئۆلچىگەن ۋاقىتتا، بەدەن ئېغىرلىقىنىڭ ئېشىپ كەتكەنلىكىنى، ئۇنىڭ ئۈستىگە مۇسكۇللىرىنىڭمۇ بوشاپ كەتكەنلىكىنى ھىس قىلغان.

   ئاخىرىدا، 30كۈندىن كىيىن ئۇ تەجىربىسىنى ئاخىرلاشتۇرغان. بۇ ۋاقىتتا ئۇ بەدەن ئېغىرلىقىنى قايتا ئۆلچىگەندىن كىيىن، بەدەن ئېغىرلىقىنىڭ 190قاداققا(172جىڭ) يەتكەنلىكىنى—يەنى، 19.6جىڭ سەمىرىپ كەتكەنلىكىنى بايقىغان. بۇندىن باشقا، ئۇنىڭ بەدەندىكى ماي نىسبىتى %16گە، قان بېسىمى 145/96گە كۆتۈرۈلگەن.