يېقىندا پىرۇدا، بىر بىپەرۋا ئەر، ھامىلدار ئايالىنىڭ تۇغۇتىنىڭ يېقىنلاپ قالغانلىقىنى بايقىماي، يەنە تېخى ئۇنى ماشىنىغا سېلىپ سىرتقا ئېلىپ چىققان؛ ئويلىمىغان يەردىن، ئايالى يول ئۈستىدە بالىسىنى تۇغۇۋەتكەن؛ ئىرى ماشىنىنى يول بويىغا تارتىپ توختىتىشقا ئۈلگىرەلمەي، ماشىنا ھەيدىگەچ يانفونى ئارقىلىق ئايالىنىڭ پۈتكۈل تۇغۇت جەريانىنى سۈرەتكە ئېلىپ خاتىرلىۋالغان. بۇ سۈرەت ئىجتىمائى ئالاقە تورىغا چىقىرىلغاندىن كىيىن، شۇ ھامان تورداشلارنىڭ قىزىق غولغۇلىسىنى قوزغىغان.

   سۈرەتلىك فىلىمدە كۆرسىتىلىشىچە، ھامىلدار ئايال تۇغۇش جەريانىدا، بىر تەرەپتىن قاتتىق چىقىراپ توۋلىغاچ، يەنە بىر تەرەپتىن قولىنى ئىككى پۇتىنىڭ ئارىسىغا سوزۇپ، تۇغۇلغان بالىسىنى تۇتىۋالغان؛ بىر تەرەپتە سۈرەتكە ئېلىۋاتقان ئىرى تېخىمۇ ھاياجانلىنىپ كەتكەن بولۇپ، بىر تەرەپتىن يىغلىغاچ بىرتەرەپتىن سۈرەتكە ئالغان. بوۋاقنىڭ تۇغۇلۇش جەريانى ئىنتايىن ئوڭۇشلۇق بولغان بولۇپ، پەقەت ئالتە سىكونت سەرپ قىلىپلا، بۇ دۇنياغا سالامەت كۆز ئاچقان.

    فىلىمدىن كۆرىۋىلىشقا بولىدۇكى، ئانا كىندىكى تېخى كىسىلمىگەن بالىسىنى قۇچىغىغا ئالغان؛ چىرايىدا بولسا، ئانىلىق بولغۇچىنىڭ خۇشاللىق كۈلكىلىرى جىلۋە قىلغان.

   كىيىن، ئۇلار بۇ سۈرەتلىك فىلىمنى ئىجتىمائى ئالاقە تورىغا چىقارغان. ئەر-خوتۇن ئىككەيلەننىڭ دىيىشىچە، ئۇلار ئەسلىدە ئۆيىدە ئازادىچىلىك ئىچىدە تۇغۇشنى ئويلاشقان؛ بىراق بۇندىن بۇرۇن، 7سائەتتەك تولغان تۇتقان بولسىمۇ، ئەمما باش سۈيى ئىزچىل تۈردە تىشىلمىگەن، شۇڭا ئۇلار بالىنىڭ بۇنداق تىزلا تۇغۇلۇپ قېلىشىنى ئويلاپ يەتمىگەن.

    ئايالى مۇنداق دىگەن: "تۇغۇت جەريانى مىھرى-مۇھەببەتكە تولدى، بۇ مەن ئىرىشكەن ئەڭ ياخشى ئانىلار بايرىمى بولدى".