خەۋەرلەرگە ئاساسلانغاندا، 1977-يىلى 8-ئاينىڭ 24-كۈنى، ھامىلدار بولغىلى 8ئايلىق بولغان بىر ئايال، ئامىرىكا ئىخوۋا شىتاتىدىكى بىر دوختۇرخانىغا كىلىپ، تۇز سۈيىنى ئۇكۇل قىلىپ ئۇرۇپ بالا چۈشۈرۈش ئۇسۇلى ئارقىلق قورسىقىدىكى بالىسىنى ئالدۇرۋەتكەن. كىيىنچە مېلىسا.ئوخدېن دەپ ئات قويۇلغان بۇ قىزنى، دوختۇر ئوپراتسىيەدىن كىيىن ئەخلەت ساندۇقىغا تاشلىۋەتكەن بولۇپ، ئادەمنىڭ ئەقلى يەتمەيدىغىنى، ئاران 2.6جىڭ كىلىدىغان يېرىم ئۆلۈك بۇ بوۋاق ئىنتايىن ئاجىز ئىڭراپ يىغلىغان ئاۋاز چىقىرىشقا باشلىغان؛ بۇ ۋاقىتتا، ئەخلەت ساندۇقى يېنىدىن ئۆتۈپ كىتىۋاتقان بىر سېستىرا بوۋاقنىڭ يىغلىغان ئاۋازىنى ئاڭلاپ، ئۇنى قۇتقۇزۇپ ئۆيىگە ئېلىپ كەتكەن.

    مىلىسانىڭ ئانىسى ئوپراتسىيەدىن كىيىن، بالىسىنى ئاللىبۇرۇن ئۆلۈپ كەتتى دەپ قارىغان؛ لىكىن ئۇنىڭ ئويلاپ باقمىغىنى، بالىياتقۇغا تۇز سۈيىنى ئۇكۇل قىلىپ ئۇرۇپ بالنى ئۆلتۈرۈپ چۈشۈرۈش ئۇسۇلى، ئەڭ ئۈنۈملۈك بالا چۈشۈرۈش ئۇسۇلى ئەمەس بولۇپ، ئۇنىڭ قىزى ئۆلۈپ كەتمەي ھايات قالغان. ھاياتلىق ئىپادىلىرى ئىنتايىن ئاجىز بولغان مىلىسا سېستىرا تەرپىدىن قۇتقۇزىۋىلىنغاندىن كىيىن، ئۇنىڭ بەدىنىدە ئېغىر مەسىلىلەر كۆرۈلۈشكە باشلىغان: ئۇنىڭ نەپەس ئېلىشى قىيىنلىشىپ، خۇاڭدەن ۋە تارتىشىپ قېلىش ئالامەتلىرى كۆرۈلگەن. ئاق كۆڭۈل سېستىرا مېلىسانى دوختۇرخانىدا ئۈچ داۋالاتقاندىن كىيىن، مىلىسا بىر جۈپ ياخشى نىيەت ئەر-خوتۇن تەرپىدىن بېقىۋىلىنغان.

   مېلىسا ئۆزىنى بېقىۋالغان ئاتا-ئانىسىنىڭ يېنىدا چوڭ بولۇپ 14ياشقا كىرگەن ۋاقىتتا ئاندىن ئۆزىنىڭ بېقىۋىلىنغان بالا ئىكەنلىكىنى بىلگەن ھەمدە كىيىنچە پۈتكۈل بالا چۈشۈرۈش، باشقىلار تەرپىدىن بېقىۋىلىش قاتارلىق ئەمىلىيەتلەرنىڭ ھەممىدىن خەۋەر تاپقان. 19ياشقا كىرگەن يىلى، مېلىسا ئاخىرى ئۆز ئاتا-ئانىسىنى ئىزدەپ تېپىشنى قارار قىلغان؛ بىراق، كىيىن ئۇ دادىسىنىڭ ئاللىبۇرۇن ئۆلۈپ كەتكەنلىكىدىن خەۋەر تېپىپ، داۋاملىق ھالدا ئانىسىنى ئىزدەشتىن ۋاز كەچكەن. بۇ ۋاقىتتا ئۇ توي قىلىشنى تاللاپ، پەرزەنتلىك بولغان.

    مېلىسا 34ياشقا كىرگەن يىلى، تۇيۇقسىز بىر كۈنى ئۆزىنى مىلىسانىڭ ئاچىسى دەپ ئاتىۋالغان بىرسى مېلىسانى ئىزدەپ كەلگەن؛ ئاچىسى ئۇنىڭغا، ئەينى ۋاقىتتا ئانىسى 8ئايلىق بولغان  بالىنى چۈشۈرۋىتىشنى ئويلاشقان ئەمەسلىكىنى، ئانىسىنىڭ ھەيىز دەۋرى ئىزچىل تۈردە بىنورمال بولغاچقا، ئۇ ئۆزىنىڭ ھامىلدار بولغانلىقىنى بىلگەن ۋاقىتتا، ئەمىلىيەتتە ھامىلدار بولغىلى ئاللىبۇرۇن ئۈچ ئاي توشۇپ بولغانلىقىنى ئېيتقان.