بوي ئېگىزلىكى 155سانتىمىتىر، ئەمما بەدەن ئېغىرلىقى 120جىڭ دىگەن بۇ سانلىق قىممەتنى ئاڭلىسىڭىز، كۆز ئالدىڭىزغا بىرىنچى بولۇپ ، پاكار دوغىلاق كەلگەن بودەكتىن بىرسى كىلىدۇ ھەقىچان. بىراق، دۇنيادىكى ھەرقانداق بىر ئىشنى مۇتلەقلەشتۈرۋەتكىلى بولمايدۇ؛ بوي ئېگىزلىكى 155سانتىمىتىر، بەدەن ئېغىرلىقى 120جىڭ كىلىدىغان گىرمانىيلىك قىز جۇلىي بولسا، توردا نەچچە يۈزمىڭ مەستانىلىرى بار بولغان گىرمانىيەلىك بەدەن چېنىقتۇرۇش ئايال ئىلاھى.

    155سانتىمىتىرلىك بوي ئېگىزلىكى، گىرمانىيەدە ئىنتايىن پاكار ھىسابلىنىدۇ؛ ئۇنداقتا بىر توپ ئېگىز كەلگەن قىزلار ئارىسىدا قانداق قىلىپ ئۆزىنى گەۋدىلەندۈرۈش كىرەك؟ پۈتۈنلەي ئەڭ مۇكەممەل كەلگەن بەدەن شەكىل نىسبىتىگە تايىنىمىز. بىر ئادەمنىڭ بەدەن ئېغىرلىقىنىڭ قانچىلىك بولۇشى مۇھىم ئەمەس، مۇھىم بولغىنى، گۆشلەر ئۆسۈشكە تىگىشلىك جايدا ئۆسۈش. جۇلىي بەدەن چېنىقتۇرۇش ئارقىلىق، مۇكەممەل كەلگەن بەدەن شەكلىنى ۋۇجۇدقا كەلتۈرگەن بولۇپ، پاكار قىزلارنىڭ ھاياتلىق تەقدىرىنى پۈتۈنلەي بۇرىۋەتكەن.

    جۇلىينىڭ چېنىقىشىدا ئىككى مۇھىم نوقتا بار بولۇپ، بۇنىڭ بىرسى ساغرا قىسىم؛ ئاياللارنىڭ جەلپكارلىقى، ساغرا قىسىم بىلەن زىچ مۇناسىۋەتلىك. يەنە بىر مۇھىم نوقتا بولسا دۈمچە قىسىم بولۇپ، ئادەمنىڭ قىممىتىنى تىك قىلىپ تېخىمۇ لاتاپەتلىك كۆرسىتىدۇ؛ ئۇنىڭ ئۈستىگە، بويى ئەسلىدىنلا ئىگىز بولمىغانلارنىڭ دۈمچە قىسىمى تۈز بولمىسا، تېخىمۇ پاكار كۆرۈنۈپ قالىدۇ. ئۆزىنىڭ بەدەن شەكلىگە بولغان توغرا تۇنۇشى ۋە ئىلمى ئۇسۇلدا چېنىقىشى، جۇلىنى مۇكەممەل بەدەن شەكلىگە ئىگە قىلغان.

    چېنىقىشنى ئاياغلاشتۇرغاندىن كىيىنكى پەي سوزۇش ھەرىكىتى، مۇسكۇل سىزىقچىلىرىنى تېخىمۇ مۇكەممەل قىلىدۇ ھەمدە مۇسكۇللارنىڭ ئەسلىگە كىلىشىنى ئىلگىرى سۈرۈپ، ئىككىنچى كۈنى چېنىقىشقا پايدىلىق بولىدۇ.

   ئاياللار چېنىقىش جەريانىدا، ئەمىلىيەتتە بەك تۆۋەن بولغان بەدەن ياغ نىسبىتىنى قوغلىشىش ھاجەت ئەمەس بولۇپ، ئاياللار بەلگىلىك دەرىجىدە بەدەن ياغ نىسبىتىنى ساقلىسا، تېخىمۇ نازلىق كۆرىنىدۇ. جۇلىي ئوكسىگىنلىق ھەرىكەتلىنىشنى بەك ياخشى كۆرۈپ كەتمىسىمۇ، ئەمما ۋەلىسپىت مىنىشنى ياخشى كۆرىدۇ؛ ھەپتە ئاخىرىدا سىرتلاردا ۋەلىسپىت مىنىپ چېنىقىش، ئادەمنىڭ جىسمانىيىتى ۋە روھىيىتىگە ئوخشاشلا پايدىلىق بولىدۇ.