ئاياللار توي قىلغاندىن كىيىن، ئادەتتە ئىرىگە ئەگىشىپ، قېيىنئانىسىنى "ئانا" دەپ چاقىرىدۇ؛ بىراق بۇ "ئانا"، ئۇ"ئانا" ئەمەس. قېيىنئانا بىلەن كىلىن، گەرچە "ئانا ۋە قىزىم" دەپ ئاتاشسىمۇ، ئەمما ھەقىقى ئانا-بالا ئەمەس؛ ئولارنىڭ ئارىسىدا قانداشلىق مۇناسىۋىتى بولمايلا قالماي، ھەتتا ئەڭ دەسلەپتە ئوتتۇرلۇقتا ئازراق مىھىرى-مۇھەببەتمۇ يوق.
    توي قىلغان ئاياللارغا نىسبەتەن ئېلىپ ئېيتقاندا، ھەرقانداق بىر ئايال كىشى، ئۆز ئانىسىغا ئوخشاش ئۆتۈپ كىتەلەيدىغان بىر قېينئانىغا ئىرىشىشنى ئويلايدۇ. چۈنكى، ياخشى بولغان قېيىنئانا-كىلىن مۇناسىۋىتى، تۇرمۇشتىكى كۆپ ئاۋارىچىلىقلاردىن ساقلاپلا قالماي، يەنە تېخى ئەر-خوتۇنلار ئوتتۇرسىدىكى مۇناسىۋەتنى ئىلگىرى سۈرۈپ، ئەر-خوتۇنلارنى تېخىمۇ ئىجىل-ئىناق قىلىۋىتىدۇ.
    بىراق قەدىمدىن تارتىپ، قېيىنئانا-كىلىن مۇناسىۋىتى بىر قىيىن مەسىلە ھىسابلىنىدۇ. مەيلى مۇلايىم كۈيۈمچان ئايال بولسۇن ياكى خارەكتىرى كۈچلۈك زومىگەر ئايال بولسۇن، ھەممىسىنىڭ قېيىنئانا-كىلىن مۇناسىۋىتىنى ياخشى بىتەرەپ قىلىشى تەسكە توختايدۇ.
    ئەمما مۇناسىۋەتلىك ئائىلە مۇناسىۋىتى مۇتەخەسسىسلىرىنىڭ بىلدۈرۈشىچە، قېيىنئانىسى بىلەن ئۆز ئانىسىدەك يېقىن مۇناسىۋەت ئورنىتىش ئۇنچە تەس ئەمەس بولۇپ، ئالدى بىلەن تۆۋەندىكى ئۈچ داۋلىنى چۈشىنىپ يىتىش كىرەك ئىكەن.

قېيىنئانىنىڭ "ئانىسى" ئەمەس ئىكەنلىكىنى ھەرۋاقىت ئىسىدىن چىقارماسلىق
    مەيلى قېيىنئانىڭىزنىڭ مىجەزى قانداقلا بولمىسۇن، سىز ھەرۋاقىت ئۆزىڭىزنىڭ كىلىن ئىكەنلىكىڭىزنى ئۇنتۇپ قالماي، ئورنىڭىزنى توغرا تۇتۇشىڭىز ھەمدە ياخشى بىر كىلىن قىلىشقا تىگىشلىك ئىشلارنى جايىدا قىلىشىڭىز كىرەك.
    قېيىنئانىڭىزنى گەرچە "ئانا" دەپ ئاتىسىڭىزمۇ، ئەمما راستىنلا ئۆز ئانىڭىزغا ئەركىلىگەندەك ئەركىلىسىڭىز بولمايدۇ. شۇڭا مەيلى گەپ-سۆز ياكى يۈرۈش تۇرۇشتا بولمىسۇن، ھەرۋاقىت چەكتىن ئاشۇرۋەتمەسلىكىڭىز كىرەك.

قېيىنئانا كىلىن مۇناسىۋىتىدىكى ئەڭ مۇھىم ھالقا—ئەر كىشى
    ئانا-بالا ئوتتۇرسىدىمۇ زىددىيەت كۆرۈلىدىغان ئەھۋاللار بولۇپ قالىدۇ؛ شۇڭا قېيىنئانا ۋە كىلىن ئوتتۇرسىدا سۈركىلىش كۆرۈلۈش، نورمال بىر ئەھۋالدۇر. بىراق كىلىن بولۇش سۈپىتىڭىز بىلەن، قېيىنئانىڭىز بىلەن پىكىر ئىختىلاپى كۆرۈلگەندە، ھەرگىز ئۇنىڭ بىلەن يۈز تۇرانە توقۇنۇشۇپ قالماسلىقىڭىز ھەمدە ئىرىڭىزنى ئوتتۇرلۇقتا كۆۋرۈك قىلىپ تۇرۇپ قېيىنئانىڭىز بىلەن "پىكىر ئالماشتۇرۇشنى ئۆگىنىۋىلىشىڭىز لازىم.
    ئىرىڭىزنى قېيىنئانىڭىزنىڭ ئالدىدا ياخشى گېپىڭىزنى قىلىپ قويۇشىغا ھەيدەكچىلىك قىلسىىڭىز، ئىرىڭىزنىڭ ئېغىزى ئارقىلىق قېيىنئانىڭىزغا بولغان مىننەتدارلىقىڭىزنى يەتكۈزسىڭىز ۋە ئىرىڭىز ئارقىلىق قېيىنئانىڭىزنىڭ كۆڭلىدە ھەقىقى ئويلىغانلىرىنى ئىگىلەپ، ئۆزىڭىز بۇنىڭغا مۇناسىپ ئىش كۆرسىڭىز بولىدۇ. بۇنىڭدا، قېيىنئانىڭىز سىزنى ئىرىگە بەك ئىشىنىدىكەن ھەم تايىنىدىكەن دەپ قاراپ، شۆھرەتپەرەسلىكى قانائەت تاپىدۇ دە، سىزگە ئەلۋەتتە بارغانسىرى ياخشى مۇئامىلە قىلىدۇ.

قېيىنئانا-كىلىن مۇناسىۋىتىدە، ئارىلىق "گۈزەللىك" شەكىللەندۈرىدۇ
   قانداشلىق مۇناسىۋىتى، ھالقىپ ئۆتكىلى بولمايدىغان بىر ھاڭدۇر؛ شۇڭلاشقا ھەر ۋاقىت قېيىنئانىڭىزنى ئۆز ئانىڭىز چاغلاپ قالماسلىقىڭىز كىرەك. قېيىنئانىڭىز بىلەن بەلگىلىك ئارىلىق ساقلاپ، بەك يېقىنلىشىپ ئۆزىڭىزنى بىلەلمەي قالمىسىڭىز، ھەمدە بەك يېراقلىشىپ ئۆزىڭىزنى قاچۇرغاندەك كۆرۈنۈپ قالمىسىڭىز، ئوتتۇرلۇقتا بەزى تەڭلىكتە قالىدىغان ئەھۋاللارنىڭ كۆرۈلۈپ قېلىشىدىن ساقلانغىلى بولىدۇ ھەمدە قېيىنئانىڭىزنى بىزنى ئۆز كۆرمەيدۇ دەپ ئويلاپ قېلىشىدىن ساقلانغىلى بولىدۇ.
   بۇنداق يا يېراق ئەمەس، ياكى يېقىن ئەمەس ئارىلىقنى ساقلاپ ئۆتكەندە، قېيىنئانىڭىز بىر خىل ھۆرمەتلەشكە ئىرىشكەندەك بولىدۇ ھەمدە بۇ سەۋەپلىك سىزنىمۇ ئىززەتلەيدۇ؛ بۇ ۋاقىتتا، تەبىئىلا ئەر-خوتۇن ئىككەيلەننىڭ تۇرمۇشىغا ئارتۇقچە ئارىلىشىۋالمايدۇ.