جىننىس دۇنيا رىكوتى خاتىرىسىدە، ھەر يىلى ھەرتۈرلۈك غەلىتە ئىشلار كۆرۈلۈپ تۇرىدۇ. مانا بۇ، ئوكرائىنالىق ئايال ئولگا.لىئاسچۇك يېقىندا، ئۆزىنىڭ ئىككى يوتىسى ئارقىلىق يىڭىچە بىر دۇنيا رىكوتى ياراتقان: ئۇ ئىككى يوتىسىنىڭ ئارىسىغا بىر تاۋۇزنى قىسىپ تۇرۇپ، يوتىسىنىڭ قىسىش كۈچىگە تايىنىپ تاۋۇزنى يېرىلدۇرۋەتكەن؛ ئېيتىشلارغا قارىغاندا، ئۇ بۇ ئۇسۇلدا بىر مىنۇتتا 12تال تاۋۇزنى قىسىپ يېرىۋىتەلەيدىكەن.

    ئولگا بولسا ئوكرائىنادىكى بىر بەدەن چېنىقتۇرۇش تىرىنىرى بولۇپ، ئىنتايىن تەرەققى قىلغان كۈچلۈك مۇسكۇللىرى بار ئىكەن؛ يوتىسى بىلەن تاۋۇزنى قىسىپ يېرىۋىتىش، ئۇنىڭ ئادەتتە جاپالىق مەشىق قىلىش ئارقىلىق يىتىلدۈرگەن بىر خىل ماھارىتى ئىكەن.

   ئولگا داڭ چىقارغاندىن كىيىن، شۇ جايدىكى ئاخبارات ۋاستىلىرى ئۇنى تىلىۋىزىيە پىروگىراممىسىغا قاتنىشىشقا تەكلىپ قىلغان؛ تىلىۋىزىيە پىروگىراممىسى نەخ مەيدانىدا، ئۇ يوتىلىرى ئارىسىغا تاۋۇز قىسىپ يېرىۋىتىش ماھارىتىنى كۆرسىتىپ، نەخ مەيداندىكى تاماشىبىنلارنىڭ قىزغىن ئالقىشىغا ئىرىشكەن.

    بەدىنى ئەرلەرنىڭكىدەك قاۋۇل كەلگەن ئولگا، بەش سىكونتقا بارمىغان قىسقىغىنا ۋاقىت ئىچىدە، چوڭ تاۋۇزدىن بىرنى يوتىسى بىلەن قىسىپ يېرىۋەتكەن.