دۆلىتىمىز ئەدەبىيات-سەنئەت ساھەسىدە، بەلگىلىك نەتىجە قازانسا ياكى ئالاھىدە تۆھپە كۆرسەتسىلا، سەنئەتكار دىگەن نامغا ئىرىشىدىغان بولۇپ، تاماشىبىنلارنىڭ نەزىرىدە سەنئەتكارلار ھۆرمەتلەشكە تىگىشلىك شەخىس ھىسابلىنىدۇ. جاۋ بىنشەن، گودېگاڭ قاتارلىق خەلق ئاممىسىنىڭ چوڭقۇر ئالقىشىغا ئىرىشكەن سەنئەتكارلار ئىنتايىن كۆپ؛ ئەمما ئۇلارغا ئوخشىمايدىغان ئۇسلۇپتىكى يەنە بىر دەرىجىدىن تاشقىرى سەنئەتكار بار ، ئۇ بولسىمۇ دۆلىتىمىزدىكى ئاتاقلىق ئۇسسۇلچى ياڭ لىپىڭدۇر. ياڭ لىپىڭنىڭ خەلقئارا ئۇسسۇل ساھەسىدىكى ئورنىمۇ ئىنتايىن يۇقىرى بولۇپ، ئۇنىڭ "توز ئۇسسۇلى" تارىختىن بويانقى ئەڭ يۇقىرى پەللىگە يەتكەن.

   بىراق، ياڭ لىپىڭ ئۇسسۇل ئۈچۈن ناھايىتى كۆپ بەدەللەرنى تۆلىگەن؛ بەدەن شەكلىنى ساقلاپ قېلىش ئۈچۈن، ئۇنىڭ گۈرۈچ ئېشى يەپ باقمىغىنىغا 20يىلدىن ئاشقان ھەمدە ھازىرغا كەلگىچىلىك بالا تۇغمىغان. بۇندىن باشقا، يېشىنىڭ چوڭىيىشىغا ئەگىشىپ بەدىنىنىڭ يۇمشاقلىق دەرىجىسىنىڭ تۆۋەنلەپ كىتىشىدىن ساقلىنىش ئۈچۈن، ئۇ ئوپراتسىيە قىلدۇرۇپ، ئۆزىنىڭ نەچچە تال قۇۋۇرغا سۆڭىكىنى ئالدۇرۋەتكەن. بۇ سەۋەپلىك، نۇرغۇن كىشىلەر ئۇنى نىرۋىسى ئاجىز دەپ ئەيىبلەشكەن.

    بىراق، بىر قىسىم كىشىلەر ئۇنى نىرۋىسى ئاجىز دەپ ئەيىبلىگەندىن باشقا، يەنە ئۇنى "ئادەمنىڭ كۆڭلىنى ئىلەشتۈرىدۇ" دەپ تىللىشىدۇ، بۇ زادى نىمە ئۈچۈن؟ ھەممىمىزگە مەلۇملۇق، مىللىچە ئۇسسۇل ئارتىسى بولۇش سۈپىتى بىلەن، قولىنىڭ تىرناقلىرىنى ياساپ زىننەتلەش زۈرۈر بولىدۇ. شۇڭا ياڭ لىپىڭمۇ، يىگىرمە نەچچە يىلدىن بۇيان قولىنىڭ تىرنىقىنىڭ ئۇزۇنلۇقىنى 3سانتىمىتىر ئۇزۇنلۇقتا ساقلىغان؛ ئەمما بۇ سەۋەپلىك، تۇرمۇشتىكى نۇرغۇن ئىشلارنىڭ ھۆددىسىدىن ئۆزى چىقالماسلىقتەك ئەھۋالغا كىلىپ چىققان.