بانان، تۇرمۇشىمىزدىكى ئەڭ كۆپ ئۇچرايدىغان ھەمدە ھەممە ئادەم ياقتۇرۇپ يەيدىغان مىۋىلەرنىڭ بىرى. باناننىڭ باھاسى ئەرزان بولۇپ، ئىسسىق يەل ھەيدەش، زەھەر قايتۇرۇش، ئۆپكىگە ھۆللۈك يەتكۈزۈش قاتارلىق ئۈنملىرى بار. بانان تەركىبىدە، ئاقسىل، ياغ، كاربون سۇ بىرىكمىلىرى، يىرىك تالا ماددىلىرى، مىنرالنى ماددىلار ۋە ۋىيتامىن قاتارلىقلار ئىنتايىن مول؛ بۇندىن باشقا، باناننىڭ تەركىبىدىكى يىمەكلىك تالا ماددىسىمۇ مول بولۇپ، ئاشقازان ئۈچەيدىكى ئەخلەتلەر ۋە زەھەرلىك ماددىلارنى تازىلاشقا پايدىلىق تەسىر كۆرسىتىپ، مىتابولىزىم بېسىمىنى يىنىكلىتىدۇ ۋە قەۋزىيەتنىڭ ئالدىنى ئالىدۇ.

    پىشىپ ۋايىغا يەتكەن بانان نىسبەتەن تاتلىق، ئەمما كۆپىنچە ۋاقىتلاردا بىز سېتىۋىلىپ كەلگەن بانان تېخى تازا پىشىپ ۋايىغا يەتمىگەن بولىدۇ؛ بۇنداق باناننىڭ ئۇزۇقلۇق قىممىتىمۇ زور دەرىجىدە تۆۋەنلەپ كىتىدۇ. بۇنداق ئەھۋالنىڭ كۆرۈلىشى، باناننى تاللىغان ۋاقىتتا مەسىلە كۆرۈلگەنلىكنىڭ ئىپادىسىدۇر. ئۇنداقتا بانان سېتىۋالغاندا، ئۇنى قانداق تاللاش كىرەك؟ تۈز كەلگەنلىرى تاتلىق چىقامدۇ ياكى ئەگرى كەلگەنلىرىمۇ؟

    سىرتقى كۆرۈنۈشىدىن قارىغاندا، باناننىڭ بەزىلىرى تۈزرەك كىلىدۇ، بەزىلىرى بولسا ئەگرى كىلىدۇ؛ ئۇنداقتا، بۇ ئىككىسىنىڭ قايسى خىلى تېخىمۇ تاتلىق چىقىدۇ؟ ئەمىلىيەتتە، باناننىڭ ئەگرىلىك دەرىجىسىدىن، ئۇنىڭ ئۆسۈش ئۇسۇلىنى كۆرىۋىلىشقا بولىدۇ؛ بانان ئادەتتە نىسبەتەن تۈز ھالەتتە مىۋە بىرىدۇ، بىراق كىيىنچە قۇياش نۇرۇ بار تەرەپكە قاراپ ئۆسۈپ يوغىنايدىغان بولغاچقا، كىيىنكى مەزگىلدە بارغانسىرى ئەگرى بولۇپ قالىدۇ. شۇنىڭ ئۈچۈن، ئادەتتە تەبىئى ھالدا پىشىپ ۋايىغا يەتكەن بانان ئەگرى ھالەتتە كىلىدۇ. نىسبەتەن تۈز كەلگەن بانان بولسا، ئۈزۈپ بولغاندىن كىيىن ئاپتاپتا قويۇپ پىشقۇزغان ياكى تېخىنىكىلىق ئۇسۇللار ئارقىلىق پىشىشىنى ئىلگىرى سۈرگەن بانان بولىدۇ.