ھازىرقى جەمئىيىتىمىزدە، ئاياللارنىڭ ئەرلەرنى قوغلىشىشى نورمال ئىش ھىسابلىنىدىغان بولۇپ، بىر ئايال كىشىگە نىسبەتەن، ئەگەر بىر ئەر كىشىنى قوغلاشماقچى بولسا، بىۋاستىلا "مەن سىزنى ياخشى" كۆرىمەن دىمەي، تۆۋەندىكى سۆز ئىبارىلەرنى ئىشلەتسە، ئەرلەرنى تېخىمۇ بەكرەك جەلپ قىلالايدۇ.

ئىككىمىز ئوبدان كىلىشىدىكەنمىز
    ئەمىلىيەتتە، مۇھەببەتلىشىش جەريانىدا ئەڭ مۇھىم بولغىنى، ئۆز-ئارا ماسلىشالايدىغان بولۇشتۇر؛ ئەگەر ئوتتۇرلۇقتا ئورتاقلىق بار بولسا، بىرگە بولغان ۋاقتى ھەرقانچە ئۇزۇن بولسىمۇ، يىڭىلىق تۇيغۇسى يەنىلا يوقاپ كەتمەيدىغان بولۇپ، سىرتقى مۇھىت ئامىللىرىنىڭ تەسىرىگە ئاسانلىقچە ئۇچراپ قالمايدۇ. ئەگەر بىر ئەركىشىنى قوغلاشماقچى بولسىڭىز، دەسلىۋىدىلا "مەن سىزنى ياخشى كۆرىمەن" دىيىش، ئادەمگە بىر خىل ئىشەنگىلى بولمايدىغاندەك تۇيغۇ بىرىدۇ؛ ئەمما ئەگەر سىز "ئىككىمىز ئوبدان كىلىشىدىكەنمىز" دىگەنگە ئوخشاش مەنىدىكى سۆزلەرنى ئىشلەتسىڭىز،  ئەر كىشى بەلكىم سىزنى چۈشىنىشكە قىزىقىپ، سىزگە تەشەببۇسكارلىق بىلەن يېقىنلىشىشى مۇمكىن.

سىزمۇ بۇنى ياقتۇرامسىز؟
    ئاياللار شۇنى بىلىپ يىتىشى كىرەككى، ئەر كىشى باشقىلار بىلەن مۇناسىۋەت ئورناتقان ۋاقىتتا، ئۇلارنىڭ ئالدى بىلەن ئويلىشىدىغىنى، ئارىدا ئورتاقلىق بار ياكى يوقلۇغى بولىدۇ. شۇنىڭ ئۈچۈن، ئەر كىشىنى قوغلاشماقچى بولغاندا، ئالدى بىلەن ئۇنىڭ نىمىنى ياخشى كۆرىدىغانلىقىنى بىلىپ يىتىپ، ئاندىن ئورتاق بولغان قىزىقىش ھەۋەس يىتىلدۈرۈشى، ئوتتۇرلۇقتا پاراڭلىشىپ پىكىر ئالماشتۇرغۇدەك تېما پەيدا قىلىشى كىرەك.
سىزگە ياتلىق بولسا نىمە دىگەن بەخىتلىك ھە!
   ئەمىلىيەتتە، ھەرقانداق بىر ئادەم، شىرىن-شىكەر ياغلىما گەپ سۆزلەرنى ئاڭلاشنى ياخشى كۆرىدۇ. ئاياللارغا سېلىشتۇرغاندا، ئەرلەر باشقىلارنىڭ ئۆزىنى ماختىشىنى بەكرەك ياخشى كۆرىدۇ؛ چۈنكى، بۇ بىر خىل ئىتراپ قىلىش بولۇپ، ئەرلەرنىڭ شۆھرەتپەرەسلىكىنى قانائەتلەندۈرىدۇ. سىز ئەركىشىگە بۇ گەپنى قىلغان ۋاقىتىڭىزدا، ئۇ سىزنى ئۇنى ئوبدان چۈشىنىدىغاندەك ھىس قىلىپ، سىز بىلەن تېخىمۇ كۆپرەك ئالاقىلىشىشنى ئارزۇ قىلىدۇ.